ಕರ್ನಾಟಕ : ಪೊಣ್ಣುಬಾಲೆ ಪುಟ್ಟಿನೇ ಚರಂಡಿಗ್ ದಕ್ಕ್‌ದ್ ಪೋಯಿನ ಪೆದ್ದಿನಕುಲು

Last updated on December 29th, 2023 at 09:42 am

ಪುಟ್ಟಿನ ಬಾಲೆ ಪೊಣ್ಣು ಪನ್ದ್ ತೆರಿನೇ ಆಸ್ಪತ್ರೆರ್ದ್ ಡಿಸ್ಚಾರ್ಜ್ ಮಲ್ತ್ ಆ ಬಾಲೆನ್ ಚರಂಡಿಡ್ ದೀದ್ ಪೋಯಿನ ನಡಕೆ ಕರ್ನಾಟಕದ ಬೆಂಗಳೂರುದ ಆನೇಕಲ್‌ದಲ್ಪ ನಡದ್ಂಡ್.

ಆನೇಕಲ್‌ದಲ್ಪ ಚರಂಡಿದ ಉಲಯಿ ಬಾಲೆ ಬುಲ್ಪುನ ದುನಿಪು ಕೇನ್ದ್ ಪೋದು ತೂನಗ ಅಪಗನೇ ಪುಟ್ಟಿನ ಪುರು ಬಾಲೆ ಇತ್ತಿನ ತೆರಿದ್ಂಡ್. ಬಾಲೆನ್ ಕವರ್‌ಡ್ ಪೊದೆತ್ ಚರಂಡಿಗ್ ದಕ್ಕ್‌ದ್ ಪೋತೆರ್. ಬಾಲೆನ್ ದಕ್ಕಿನ ಕವರ್‌ಡ್ ಆಸ್ಪತ್ರೆದ ಪುದರ್ ತೆರಿದ್ ಬೈದ್ಂಡ್, ಅಂಚಾದ್ ಬಾಲೆದ ಅಪ್ಪೆ ಅಮ್ಮೆ ಏರ್ ಪನ್ದ್ ತೆರಿದ್ ಪೋಲೀಸೆರ್ ಇತ್ತೆ ಅಕಲೆನ್ ನಾಡೊಂದುಲ್ಲೆರ್.