Last updated on December 30th, 2023 at 07:55 am
ಬೇಲೆ ಪರ್ಮನೆಂಟ್ ಮಲ್ಪೊಡು ಪನ್ದ್ ಸರಕಾರಿ ಪ್ರಥಮ ದರ್ಜೆ ಕಾಲೇಜುಲೆನ ಬಿನ್ನೆರ್ ಉಪನ್ಯಾಸಕೆರ್ ರಾಜ್ಯದೊರ್ಮೆ ಪ್ರತಿಭಟನೆಗ್ ಜತ್ತ್‌ದೆರ್. ಈ ಪೊರ್ತುಡು ಸರಕಾರ ಮೊಕಲೆಡ ಸಂದಾನೊಗು ಪಿದಡ್‌ದ್ಂಡ್. ಜನವರಿ 1ರ್ದ್ ಇತ್ತೆ ಉಪ್ಪುನ ಪಡಿಕ್ ಕುಡ 5 ಸಾರ ಗೋಡ್ಯಾದ್ ಕೊರ್ಪಿನ ನಿರ್ಣಯೊಗು ಸರಕಾರ ಬೈದ್ಂಡ್.
ಇತ್ತೆ ಅನುಭವದ ಮಿತ್ತ್ ಬಿನ್ನೆರ್ ಉಪನ್ಯಾಸಕೆರೆಗ್ 26 ಸಾರೊರ್ದು 31 ಸಾರ ಮುಟ್ಟ ಸಂಬಲ ಉಂಡು. ನನ 5 ಸಾರ ಏರ್ತೆ ಆಪುಂಡು. ರಾಜ್ಯೊಡು 10,600 ಇಂಚಿನ ಉಪನ್ಯಾಸಕೆರ್ ಉಲ್ಲೆರ್. ಉಂದೆರ್ದಾವರ ಸರಕಾರೊಗು ವರ್ಸೊಗು 55 ಕೋಟಿ ಎಚ್ಚಿನ ಪುದೆ ಬೂರುಂಡು.