Last updated on December 29th, 2023 at 09:14 pm
ಉಬಾರ್: ರಾತ್ರೆ ಸಾದಿ ಬರಿಟ್ ಲಾರಿ ಉಂತಾದ್ ಜೆತ್ತಿನ ಲಾರಿ ಡ್ರೈವರ್ ಒರಿ ಲಾರಿಡೇ ಸೈದಿನ ಸ್ಥಿತಿಟ್ ತಿಕ್ಕಿನ ನಡಕೆ ಉಬಾರ್‌ದ ಕುಡ್ಲ – ಬೆಂಗ್ಳೂರ್ ರಾಷ್ಟ್ರೀಯ ಪೆರ್ಸಾದಿದ ಬರಿಟ್ ನಡತ್‌ದ್ಂಡ್.
ತೀರ್ದಿನ ಡ್ರೈವರ್ ರಾಮನಗರ ಜಿಲ್ಲೆದ ಚೆನ್ನಪಟ್ಟಣೊದ ಖಲೀಲ್ ಖಾನ್ (58) ಪಂದ್ ತೆರಿದ್‌ಬೈದ್ಂಡ್.
ಮೈಸೂರ್‌ರ್ದ್ ಬಿ.ಸಿ.ರೋಡ್‌ಗ್ ಹಾಸಿಗೆ ಲೋಡ್ ರಡ್ಡ್ ದಿನೊಕು ದುಂಬು ಕನತಿನ ಲಾರಿ ಡ್ರೈವರ್ ಖಲೀಲ್ ಲೋಡ್ ಖಾಲಿ ಮಲ್ತಿ ಬೊಕ್ಕ ರಾತ್ರೆ ಬಚ್ಚೆಲ್ ಕರಿಪೆರ ಉಬಾರ್‌ದ ರಾಷ್ಟ್ರೀಯ ಪೆರ್ಸಾದಿದ ಬರಿಟ್ ಲಾರಿ ಉಂತಾದ್ ಜೆತ್ತ್‌ದೆರ್.
ಲಾರಿದ ಕ್ಯಾಬಿನ್‌ದ ಬಾಕಿಲ್ ಪಾಡ್ದಿತ್ತಿನೆರ್ದಾವರ ಡ್ರೈವರ್ ಲಾರಿದುಲಯಿ ತೀರ್ದಿನ ಏರ್ನ ಗುಮನೊಗ್ಲಾ ಬೈದಿಜಿ. ಆಂಡ, ಡಿ.29ದಾನಿ ಲಾರಿರ್ದ್ ವಾಸನೆ ಬರ್ಯೆರ ಪತ್ತ್‌ದ್ಂಡ್. ಅಂಚಾದ್ ಸಂಶಯ ಬತ್ತಿನ ಅಲ್ಪದಕುಲು ಲಾರಿದ ಪರಿಶೀಲನೆ ಮನ್ಪುಪಗ ಲಾರಿ ಡ್ರೈವರ್‌ನ ಪುನ ತಿಕ್ಕ್‌ದ್ಂಡ್ ಪಂದ್ ತೆರಿದ್ ಬೈದ್ಂಡ್. ಬೊಕ್ಕ ಲಾರಿ ಡ್ರೈವರ್‌ನ ಪುನ ದೆತ್ತ್‌ದ್ ಮರಣೋತ್ತರ ಪರೀಕ್ಷೆಗ್ ಕಡಪುಡ್ದ್, ಹೃದಯಾಘಾತೊಡು ತೀರ್ದೆರ್ ಪಂದ್ ಒಲವು ತಿಕ್ಕ್‌ದ್ಂಡ್.