Last updated on December 5th, 2023 at 07:00 pm
ಉಳ್ಳಾಲ: ಬ್ಯಾನ್ ಆತಿನ ಮಾದಕ ಸೊತ್ತು ಮೆಥಂಫೆಟಾಮೈನ್ ಬೊಕ್ಕ 250 ಎಲ್‌ಎಸ್‌ಡಿ ಸ್ಟ್ಯಾಂಪ್ ಡ್ರಗ್‌ನ್ ಅಕ್ರಮವಾದ್ ಕೊನೊವೊಂದಿತ್ತಿನ ಇರ್ವೆರ್ ಆರೋಪಿಲೆನ್ ಉಳ್ಳಾಲ ಪೊಲೀಸೆರ್ ಕೈದ್ ಮಲ್ದೆರ್.
ಶಿಶಿರ್ ದೇವಾಡಿಗೆ ಬೊಕ್ಕ ಸುಶಾನ್ ಎಲ್. ಕೈದಾತಿನ ಆರೋಪಿಲು.
ಆರೋಪಿಲು ಡಿಸೆಂಬರ್ 4ತಾನಿ ಉಳ್ಳಾಲದ ಪೆರ್ಮನ್ನೂರು ಗ್ರಾಮೊದ ಸಂತೋಷನಗರದ ಸಾದಿದ ಬರಿಟ್ ಬೊಲ್ದು ರಂಗ್‌ದ ಸ್ವಿಫ್ಟ್ ಕಾರ್‌ಡ್ ಬತ್ತಿತ್ತೆರ್. ಪೊಲೀಸೆರ್ ತಪಾಸಣೆ ಮಲ್ತ್‌ದ್ ಆರೋಪಿಲಾಯಿನ ಶಿಶಿರ್ ದೇವಾಡಿಗೆ ಬೊಕ್ಕ ಶುಶಾನ್.ಎಲ್. ಡ ನಿಷೇಧಿತ ಮಾದಕದ್ರವ್ಯ 132 ಗ್ರಾಂ ತೂಕೊದ ಮೆಥಂಫೆಟಮೈನ್ ಬೊಕ್ಕ 250 ಎಲ್‌ಎಸ್‌ಡಿ ಸ್ಯಾಂಪ್ ಡ್ರಗ್ ತಿಕ್ಕಂದಿನೆರ್ದಾವರ ಉಳ್ಳಾಲ ಪೊಲೀಸೆರ್ ಮೊಕಲೆನ್ ಕೈದ್ ಮಲ್ದೆರ್.
ಮೊಕಲೆರ್ದ್ ಮಾದಕ ಸೊತ್ತುಲು, 3,70,050 ರೂ. ಪಣವು ಅಂಚೆನೇ ಸ್ವಿಫ್ಟ್ ಕಾರ್ ಸೇರ್ದ್ 14,01,050 ಮೌಲ್ಯೊದ ಸೊತ್ತುಲೆನ್ ವಶೊಕು ಗೆತೊಂದೆರ್. ಆತೇ ಅತ್ತಂದೆ ಲಾಂಗ್ ಸೇರ್ದ್ ಬೇತೆ ಮಾರಕ ಕೈದ್(ಆಯುಧೊ) ಲೆನ್ಲಾ ವಶೊಕು ಗೆತೊಂದೆರ್.