Last updated on January 4th, 2024 at 06:53 pm
ರಿಕ್ಷ ಬುಡೊಂದಿತ್ತಿಲೆಕ್ಕನೇ ಡ್ರೈವರ್ ಒರಿಯಗ್ ಹೃದಯಾಘಾತ ಆತಿನ ನಡಕೆ ಒಡಿಪುಡು ಗುರುವಾರ ನಡದ್ಂಡ್, ಬ್ಯಾಲನ್ಸ್ ತತ್ತ್ ಕರೆಂಟ್‌ದ ಕುಂದೊಗು ರಿಕ್ಷ ಎಡ್ತಿನೆರ್ದಾವರ ರಿಕ್ಷೊಡಿತ್ತಿನ ರಡ್ಡ್ ಪೊಂಜೊವುಲೆಗ್ ಗಡಿಕುಲಾತ್ಂಡ್.
ಕಾಡ್‌ಬೊಟ್ಟುದ ಸುರೇಶ್ ಮೇರ್ ರಿಕ್ಷೊಡು ರಡ್ಡ್ ಪೊಂಜೊವುಲೆನ್ ಅಜ್ಜರಕಾಡ್‌ರ್ದ್ ಒಡಿಪುಗು ಲೆತೊಂದು ಪೋವೊಂದಿಪ್ಪುನಗ ಒರಾನೆ ಹೃದಯಾಘಾತ ಆದ್ ಕುಸ್ಕುದು ಬೂರಿಯೆರ್. ಅವ್ವೇ ಸಾದಿಡ್ ಪೋವೊಂದಿತ್ತಿನ ಕುಡೊನ್ಜಿ ರಿಕ್ಷಾದಾರ್ ಅಂಚೆನೆ ಬೇತೆಕಲು ಸೇರ್ದ್ ಸುರೇಶ್ ಮೆರೆನ್ ಅಜ್ಜರಕಾಡ್ ಆಸ್ಪತ್ರೆಗ್ ಕೊನೊತೆರ್. ಅಲ್ಪೊರ್ದು ಮಲ್ಲ ಮರ್ದ್‌ಗ್ ಮಣಿಪಾಲ ಆಸ್ಪತ್ರೆಗ್ ಕೊನೊತೆರ್. ರಿಕ್ಷೊಡಿತ್ತಿನ ರಡ್ಡ್ ಪೊಂಜೊವುಲೆಗ್ ಎಚ್ಚಿನ ಗಡಿಕುಲಾತಿಜಿ ಪನ್ದ್ ತೆರಿದ್ ಬೈದ್ಂಡ್.