Last updated on January 7th, 2024 at 11:55 am
ಚಿಲ್ಲರೆ ಇಜ್ಜಿ ಪನ್ಪಿನ ನೆವನೊಡು ಪೆರಿಯ ಜನ ಒರಿಯನ್ ಕರ್ನಾಟಕ ಸಾರಿಗೆದ ಕಂಡಕ್ಟರ್ ಒರಿ 2 ಕಿಮೀ ಬಸ್ ಪೋಯಿಬೊಕ್ಕ ಬಸ್‌ರ್ದ್ ತಿರ್ತ್ ಜಪುಡಾದ್ ಪೋಯಿನ ನಡಕೆ ಕಡಬಡ್ ನಡದ್ಂಡ್.
ಕಡಬ ತಾಲೂಕುದ ಕಲ್ಲ್‌ಗುಡ್ಡೆ ಶಾಂತಿಗುರಿತ 75 ವರ್ಸದ ಬಾಬು ಗೌಡ ಪನ್ಪಿನಾರ್ ಕಾಂಡೆ ಖಾಸಗಿ ಕಾರ್ಯಕ್ರಮೊಗು ಪೋವರೆ ಕಲ್ಲಗುಡ್ಡೆಡ್ ಸರಕಾರಿ ಬಸ್ ಪತ್ತಿಯೆರ್. ಕಂಡಕ್ಟರ್ ಟಿಕೆಟ್ ಗ್ ಕಾಸ್ ಕೇನ್ನಗ 200 ರೂಪಾಯಿ ಕೊರಿನೆಕ್ಕ್ ಚಿಲ್ಲರೆ ಇಜ್ಜಿ ಪನ್ದ್ ನೆವನ ಕೊರ್ದು ಅರೆನ್ ಬಲವಂತೊಡು ಗೋಳಿಯಡ್ಕಡ್ ಜಪುಡಾದೆ ಪನ್ದ್ ತೆರಿದ್ ಬೈದ್ಂಡ್.
ಬಾಬು ಗೌಡೆರ್ ನಮ್ಮ ದೇಶ ಕಾಪುನ ಸೈನಿಕನ ಅಮ್ಮೆ. 75 ವರ್ಸದ ಪಿರಯದ ಜನನ್ ಇಂಚ ಅಮಾನವೀಯವಾದ್ ನಡತೊನಿನ ಕರ್ನಾಟಕದ ಸರಕಾರಿ ಬಸ್‌ದಕಲೆನ ಮಿತ್ತ್ ತುಳುವೆರ್ ಆಕ್ರೋಶ ಪಿದಯಿ ಪಾಡ್ದೆರ್. ಸಾರಿಗೆ ಇಲಾಖೆ ಆ ಕಂಡಕ್ಟರ್ ನ ಮಿತ್ತ್ ಕ್ರಮ ದೆತೊನೊಡು, ಈ ದರ್ಪ, ಅಹಂಕಾರ ಪೂರಾ ತುಳುನಾಡ್‌ಡ್ ನಡಪುಜಿ ಪನ್ದ್ ಸಾಮಾಜಿಕ ಪೊರುಂಬಾಟಗಾರೆರ್ ಪನ್ತೆರ್.