ಕಲ್ಲೇಗ ಕಲ್ಕುಡ-ಕಲ್ಲುರ್ಟಿ ನೇಮ, ಮಾಣಿ – ಮೈಸೂರು ಪೆರ್ಸಾದಿ ಸಂಚಾರೊಡು ಇನಿ ಪಗತೆ

Last updated on January 24th, 2024 at 03:14 pm

ಕಲ್ಲೇಗದ ಕಲ್ಕುಡ ಸಾಲೊಡು ಕಲ್ಕುಡ-ಕಲ್ಲುರ್ಟಿ ದೈವೊಲೆನ ವರ್ಸಾದಿದ ನೇಮ ಜನವರಿ 24ಕ್ಕ್ ನಡಪರೆ ಉಪ್ಪುನೆರ್ದಾವರ ಕಾರ್ಜಾಲ್ ಗುತ್ತುರ್ದು ಭಂಡಾರ ಪಿದಡ್ದ್ ಕಲ್ಲೇಗ ದೈವಸ್ಥಾನ ಎತ್ತುನಗ ರಾತ್ರೆ 7.45ರ್ದ್ 9.15 ಮುಟ್ಟ ಮಾಣಿ-ಮೈಸೂರು ಪೆರ್ಸಾದಿದ ಮಾರ್ಗ ಪಗದೆರ್.

ಪುತ್ತೂರುರ್ದು ಕುಡ್ಲಗ್ ಪೋಪಿನ ಬಸ್ಸುಲು ಮಂಜಲ್ಪಡು ಕೊಡಿಪ್ಪಾಡಿ ಕಬಕ ಆದ್ ಕುಡ್ಲಗ್ ಪೋವೊಡು.

ಕುಡ್ಲರ್ದ್ ಪುತ್ತೂರುಗು, ಮೈಸೂರುಗು ಪೋಪಿನ ಗಾಡಿಲು ಮುರರ್ದ್ ರೈಲ್ವೇ ಬ್ರಿಡ್ಜ್ ಕಡತ್ ಬನ್ನೂರು ಪಡೀಲ್ ಆದ್ ಪುತ್ತೂರು ಪೋವೊಡು. ಬೇತೆ ಗಾಡಿಲು ಪೋವರೆ ಬಂಗ ಆವಂದಿಲೆಕ್ಕ ಗಾಡಿಲೆನ್ ಪೂರಾ ಉಂತಾವೊಡು ಪನ್ದ್ ಪೋಲೀಸ್ ಇಲಾಖೆ ತೆರಿಪಾದೆರ್.