ರಾಮ ಮಂದಿರದ ಪ್ರಸಾದ ಮಾರಿನ ಅಮೆಜಾನ್‌ಗ್ ನೋಟೀಸ್

Last updated on January 20th, 2024 at 09:14 am

ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ ಅಮೆಜಾನ್‌ಗ್ ನೋಟೀಸ್ ಕೊರ್ತುಂಡು. ಅಯೋಧ್ಯೆದ ರಾಮ ಮಂದಿರದ ಪುದರ್‌ಡ್ ತಪ್ಪು ಚೀಪೆ ತೆನಸ್ ಮಾರಿನ ನೆವನೊಡು ನೋಟೀಸ್ ಕೊರ್ತುಂಡು.

ಜನವರಿ 22ಕ್ಕ್ ಪ್ರಾಣ ಪ್ರತಿಷ್ಟೆದ ಅಟ್ಟನೆ ಉಪ್ಪುನ ಅಯೋಧ್ಯೆದ ರಾಮ ಮಂದಿರದ ಪುದರ್‌ಡ್ ಅಮೆಜಾನ್ ಚೀಪೆ ತೆನಸ್ ಮಾರುನ ಬೇರ ಮಲ್ತೊಂದುಂಡು ಪನ್ದ್ ಆರೋಪ ಮಲ್ತ್ ಅಖಿಲ ಭಾರತ ಬೇರದಕಲೆನ ಒಕ್ಕೂಟದಕುಲು ದೂರು ಕೊರ್ತೆರ್.

ಏಳ್ ದಿನತುಲಾಯಿ ಸದು ಕೊರೊಡು ಪನ್ದ್ ಅಮೆಜಾನ್‌ಗ್ ಪ್ರಾಧಿಕಾರ ತೆರಿಪಾಂಡ್. ಒಂಜಿ ವೇಳೆ ಸದು ಕೊರ್ಜಿಡ ಗ್ರಾಹಕ ಸಂರಕ್ಷಣಾ ಕಾಯ್ದೆ 2019ತ್ತ ಪ್ರಕಾರ ಕ್ರಮ ದೆಪ್ಪೊಡಾವು ಪನ್ದ್ ಎಚ್ಚರ್ಗೆ ಪನ್ತೆರ್.