ಬಂಜಿಬೇನೆಡ್ ಆಸ್ಪತ್ರೆಗ್ ಲೆತೊಂದು ಪೋವೊಂದಿಪ್ಪುನಗ ಸಾದಿ ನಡುಟು ತೀರ್ನ ಬಂಜಿನಾಲ್

Last updated on January 3rd, 2024 at 07:03 pm

ಕಾಸ್ರೋಡ್: ರಡ್ಡ್ ತಿಂಗೊಲ್ದ ಬಂಜಿನಾಲ್ ಒರ್ತಿ ಆಸ್ಪತ್ರೆಗ್ ಲೆತೊಂದು ಪೋನಗ ಸಾದಿನಡುಟು ತೀರ್ದೆರ್. ಕಳಚನದುಕ್ಕಂ ಮೂಲೊದ ಸಿದ್ದಿಕ್ ಪನ್ಪಿನಾರೆನ ಬೊಡೆದಿ ಫೌಜಿಯಾ (35) ತೀರ್ದಿನಾರ್.

ರಡ್ಡ್ ತಿಂಗೊಲ್ದ ಬಂಜಿನಾಲಾದಿತ್ತಿನ ಫೌಜಿಯಾ ಕಾಞಂಗಾಡ್‌ದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್. ಸೋಮಾರ ರಾತ್ರೆ ಬಾರೀ ಬಂಜಿಬೇನೆ ಬೊಕ್ಕ ದಮ್ಮು ಕಟ್ಟುನ ತೊಂದರೆರ್ದಾವರ ಕುಡ್ಲಗ್ ಲೆತೊಂದು ಪೋದಿತ್ತೆರ್. ಉಪ್ಪಳ ಮುಟ್ಟೆರಾನಗ ಪರಿಸ್ಥಿತಿ ಬೊಕಲಾ ಜೋರಾಂಡ್. ಅಂಚಾದ್ ಮಂಗಲ್ಪಾಡಿ ತಾಲೂಕು ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಅಪಗನೇ ತೀರ್ದೆರ್.

ಪುನೊನು ಕಾಸ್ರೋಡ್ ಜನರಲ್ ಆಸ್ಪತ್ರೆಗ್ ಕಡಪುಡ್ದೆರ್.