Last updated on January 3rd, 2024 at 04:59 pm
ಹಿಂದೂ ಕಾರ್ಯಕರ್ತನ ಬಂಧನೊನು ವಿರೋಧಿಸಾದ್ ಪ್ರತಿಭಟನೆ ಮಲ್ತಿನ ಹಿಂದೂ ಸಂಘಟನೆಲು ಅಂಚೆನೆ ಬಿಜೆಪಿ ಕಾರ್ಯಕರ್ತೆರ್ ಪೋಲೀಸ್ ಸ್ಟೇಷನ್ ಪೊಗ್ಗರೆ ಪುನೆಪು ಬನ್ನಗ ತಡೆತಿನ ಪೋಲೀಸೆರ್ ಆರ್.ಅಶೋಕ್ ಸೇರ್ದ್ ಸುಮಾರ್ 90 ಜನನ್ ವಶೊಕು ದೆತೊನ್ಡೆರ್.
ಹಿಂದೂ ಕಾರ್ಯಕರ್ತೆ ಶ್ರೀಕಾಂತ್ ಪೂಜಾರ್‌ನ ಬಂಧನೊನು ಖಂಡಿಸಾದ್ ಹುಬ್ಬಳ್ಳಿದ ಶಹರ ಪೋಲೀಸ್ ಸ್ಟೇಷನ್ ದ ಎದುರು ಮಲ್ಲ ಮಟ್ಟ್ ದ ಪ್ರತಿಭಟನೆ ನಡತ್ಂಡ್. ಈ ಪ್ರತಿಭಟನೆದ ಅಕೇರಿಗ್ ಕಾರ್ಯಕರ್ತೆರ್ ಪೋಲೀಸ್ ಸ್ಟೇಷನ್ ಪೊಗ್ಗರೆ ಪುನೆಪು ಬತ್ತೆರ್. ಅಂಚಾದ್ ಪೋಲೀಸೆರ್ 90 ಜನನ್ ಪತ್ತ್ ದ್ ಬೊಕ್ಕ ಬುಡಿಯೆರ್.
ಈ ಪ್ರತಿಭಟನೆಡ್ ಪಾತೆರಿನ ಆರ್.ಅಶೋಕ್ ಶ್ರೀ ರಾಮಗ್ ಜೈ ಪನ್ತಿನಕಲೆಗ್ ಜೈಲ್, ಟಿಪ್ಪುಗು ಜೈ ಪನ್ತಿನಕಲೆನ ಕೇಸ್ ಪಿರ ದೆತೊನ್ದೆರ್. ಉಂದು ಕಾಂಗ್ರೇಸ್ ದ ನೀತಿ. ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ತೂ ಪೊತ್ತಾವುನೆಟ್ಟ್ ದೆರ್ತಿನ ಕೈ. ಮೇರ್ ಹಿಂದೂ ಮುಸ್ಲಿಂ ನಡುಟು ಮೆನ್ನು ರಟ್ಟಾವೆರ್. ಶ್ರೀ ರಾಮನ ಭಕ್ತೆರೆನ್ ಅರೆಸ್ಟ್ ಮಲ್ದಿನೆತ್ತ ಉಲಯಿದ ಕುತಂತ್ರ ಜನಕುಲೆಗ್ ತೆರಿಯುಂಡು ಪನ್ದ್ ಪನ್ಡೆರ್.