Last updated on January 24th, 2024 at 05:50 pm
ಒಂಜಿ ವಾರ ಇಜಿಂಡ 10 ದಿನತ ಉಲಾಯಿ ಅಕಾಡೆಮಿ ಬೊಕ್ಕ ಪ್ರಾಧಿಕಾರೊಲೆಗ್ ಅಧ್ಯಕ್ಷೆರೆನ ನೇಮಕಾತಿನ್ ಪೂರ್ಣ ಮಲ್ಪುವ ಪನ್ದ್ ಕನ್ನಡ ಸಂಸ್ಕೃತಿ ಬೊಕ್ಕ ಪಿರ ಒರಿದಿನ ವರ್ಗೊಲೆನ ಕಲ್ಯಾಣ ಇಲಾಖೆದ ಸಚಿವೆ ಶಿವರಾಜ್ ತಂಗಡಗಿ ತೆರಿಪಾದೆರ್.
ಸುದ್ದಿಗಾರೆರೆನೊಟ್ಟುಗು ಪಾತೆರಿನ ಆರ್, ಕೊಂಕಣಿ, ಬ್ಯಾರಿ, ಯಕ್ಷಗಾನ, ತುಳು, ಅರೆಭಾಷೆ ಅಕಾಡೆಮಿಲೆಗ್ ಪದುಕೆರೆನ ನೇಮಕ ಬೇಗೊಡು ಆಪುಂಡು. ಕರಿನ ಚುನಾವಣೆಡ್ ಸೋತಿನ ಪಕ್ಷದ ಅಭ್ಯರ್ಥಿಲೆನ ಅಂಚೆನೆ ಸ್ಥಳೀಯ ಮುಖಂಡೆರೆನ ಸಲಹೆ ದೆತೊನ್ದು ಅಧ್ಯಕ್ಷೆರೆನ ನೇಮಕ ಮಲ್ಪುಂಡು. ಕಾಂಗ್ರೆಸ್‌ ಕಟ್ಟಾಳು, ಪಕ್ಷದ ಬಾವುಟ ಪತೊಂದು ಬೆನ್ಪಿನಕಲೆಗ್ ಅಕಾಡೆಮಿಡ್ ಅವಕಾಶ ಕೊರ್ಪುಂಡು. ಪಕ್ಷದ ಅಧ್ಯಕ್ಷೆರ್, ಮುಖ್ಯಮಂತ್ರಿ, ಹೈಕಮಾಂಡ್‌ ಮೊಕುಲು ತೀರ್ಮಾನ ದೆತೊನುವೆರ್ ಪನ್ದ್ ತೆರಿಪಾದೆರ್.