Last updated on January 12th, 2024 at 06:22 pm
ಒಡಿಪು : ಪುತ್ತಿಗೆ ಪರ್ಯಾಯೊಗು ನನ ದಾನೆ ದಿನ ಲೆಕ್ಕ್ ಪಾಡೊಂದಿತ್ತಿಲೆಕ್ಕನೇ ಒಡಿಪು ನಿಲ್ಕೆ ಪೊರ್ಲು ದಿಂಜೊಂದುಂಡು. ಒಡಿಪುದ ತಾದಿ, ಚರಂಡಿಲೆನ ಬೇಲೆ ಪೂರಾ ಬರಸ್ ಡ್ ನಡತೊಂದುಂಡು. ಕಾಪುರ್ದು ಶ್ರೀಕೃಷ್ಣ ಮಠ ಮುಟ್ಟ ಅಂಚೆನೆ ಒಡಿಪು ನಿಲ್ಕೆ ಬೊಲ್ಪುದ ಐತ ಅಂಚೆನೆ ಕೇಸರಿ ಕೊಡಿ ರಾವೊಂದುಂಡು.
ರಥಬೀದಿದ ಉಲಯಿ 50 ರ್ದು 100 ದಾತ್ ಗೂಡುದೀಪ, ಮಲ್ಲ ಮಲ್ಲ 3 ರ್ದ್ 4 ಸಾರದಾತ್ ಬಲ್ಬುಲು, ಮಿನಿಯೇಚರ್ ಪೂರಾ ರಥಬೀದಿದ ಪೊರ್ಲು ಎಚ್ಚ ಮಲ್ದ್ಂಡ್. ಶ್ರೀ ಕೃಷ್ಣಮಠ, ರಾಜಾಂಗಣ, ಪರ್ಯಾಯ ಶ್ರೀ ಪುತ್ತಿಗೆ ಮಠ, ಪೆಂಡಲ್, ಅನಂತೇಶ್ವರ, ಚಂದ್ರಮೌಳೀಶ್ವರ ದೇವಲ್ಯೊಲೆಗ್ ಲೈಟಿಂಗ್ ಮಲ್ದ್ಂಡ್. ಜನವರಿ 14ರ್ದ್ ರಾತ್ರೆ ಲೈಟ್ ಆನ್ ಮಲ್ಪುವೆರ್ ಪನ್ದ್ ತೆರಿದ್ ಬೈದ್ಂಡ್.
ಯಾಪಲಾ ದಸರದಪಗ ಕುಡ್ಲ ಎಂಚ ಪೊರ್ಲು ರಂಗ್ ಡ್ ಮೆನ್ಕುಂಡಾ ಅಂಚೆನೇ ಈ ಸಲ ಒಡಿಪುಲಾ ಮೆನ್ಕುಂಡು.