Last updated on January 22nd, 2024 at 01:02 pm
ವಿಧಾನಸಭೆತ ಸ್ಪೀಕರ್ ಆಯಿನ ಯುಟಿ ಖಾದರ್ ಮಾತಾ ಶಿಷ್ಟಾಚಾರೊಲೆನ್ ಕೋಂಟುಗು ಒಂದಾದ್ ತನ್ನ ಸ್ವ ಕ್ಷೇತ್ರೊಡು ಗೇಟ್‌ದ ಅಡಿಟ್ ಪೊಗ್ಗುದು ಜನಕುಲೊನ ಕಷ್ಟೊನು ತೆರಿಯೊನರೆ ಪುನೆಪು ಬತ್ತೆರ್.
ತೊಕ್ಕೊಟ್ಟು ರಾಷ್ಟ್ರೀಯ ಪೆರ್ಸಾದಿಡ್ ತೊಕ್ಕೊಟು ಉಲಾಯಿ ಪೇಂಟೆಗ್ ಪೋಪಿನ ಓಣಿನ್ ಪಾಕ ವರ್ಸೊರ್ದಿಂಚಿ ಜನಕುಲು ಪನ್ನೆಸಾದಿದ ಲೆಕ್ಕ ಗಲಸೊಂದಿತ್ತೆರ್. ಆಂಡ ಮೊರನಿ ಮೊರನಿ ಏರೆಗ್ಲಾ ಕೇನಂದೆ ಒರಾನೆ ರೈಲ್ವೇ ಇಲಾಖೆದಕುಲು ಅಲ್ಪದ ತಾದಿನ್ ಮುಚ್ಚಿದೆರ್. ಕರ್ಬದ ಗೇಟ್ ಪಾಡ್ದೆರ್. ಇತ್ತೆ ಆ ಗೇಟ್‌ದ ಅಡಿಟ್ ನಾಯಿದಲೆಕ್ಕ ಪೊಗ್ಗೊಂದು ಪೋವೊಡು. ಪೊಂಜೊವುಲೆಗ್ ಅತ್ತಂದೆ ಕೈಟ್ ದಾದಾಂಡಲ ಸೊತ್ತು ಇತ್ತಿನಕಲೆಗ್ ಉಂದೆಟ್ ಪೋವರೆ ಮಸ್ತ್ ಬಂಗ. ಈ ಬಗೆಟ್ ಜನಕುಲು ಜಿಲ್ಲಾಧಿಕಾರಿಲೆಗ್ ಒಯಿಲ್ ಕೊರ್ದಿತ್ತೆರ್. ಉಂದೆನ್ ತೆರಿನ ಯುಟಿ ಖಾದರ್ ಮೇರ್ ಆ ಜಾಗೆಗ್ ಬತ್ತ್ ಜನಕುಲೆನಲೆಕ್ಕ ಆ ಗೇಟ್ ದ ಅಡಿಟ್ ಪೊಗ್ಗುದು ತೂಯೆರ್. ಬೊಕ್ಕ ಈ ಪರಿಹಾರೊಗು ಸಭೆ ಲೆಪ್ಪುನ ಬಗೆಟ್ ಪಾತೆರಿಯೆರ್.