ಬ್ರಿಟೀಷೆರೆಗೇ ಪೋಡ್ಯಂದಿನ ಕಾಂಗ್ರೆಸ್ ಬಿಜೆಪಿಗ್ ಪೋಡ್ಯುನ ಪ್ರಶ್ನೆನೇ ಇಜ್ಜಿ: ಕುಂದಾಪುರ ಕಾಂಗ್ರೆಸ್ ಸಭೆಟ್ ಸಚಿವೆದಿ ಲಕ್ಷ್ಮೀ ಹೆಬ್ಬಾಳ್ಕರ್

Last updated on January 27th, 2024 at 05:43 pm

ಕರಿನ ವಿಧಾನಸಭೆ ಚುನಾವಣೆಡ್ ಒಡಿಪು ಜಿಲ್ಲೆಡ್ ಕಾಂಗ್ರೆಸ್ ಪಕ್ಷ ಸೋತ್‌ದುಪ್ಪು, ರಾಜ್ಯೊಡು ಪಕ್ಷ ಅಧಿಕಾರೊಡುಂಡು, ಬರ್ಪಿ ಲೋಕಸಭಾ ಚುನಾವಣೆಗ್ ಕಾರ್ಯಕರ್ತೆರೆ ದಂಡ್ ರೆಡಿ ಆವೊಡು ಪಂದ್ ಮಹಿಳಾ ಬೊಕ್ಕ ಜೋಕುಲೆ ಅಭಿವೃದ್ಧಿ, ವಿಕಲಚೇತನೆರೆ ಅಂಚೆನೇ ಪೆರಿಯ ನಾಗರೀಕೆರೆ ಸಬಲೀಕರಣ ಸಚಿವೆದಿ ಅಂಚೆನೇ ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವೆದಿಯಾಯಿನ ಲಕ್ಷ್ಮೀ ಆರ್. ಹೆಬ್ಬಾಳ್ಕರ್ ಪಂಡೆರ್.
ಆರ್.ಎನ್. ಶೆಟ್ಟಿ ಭವನೊಡು ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಕಾರ್ಯಕರ್ತೆರೆ ಸಭೆಟ್ ಪಾತೆರ್ನ ಸಚಿವೆರ್, ಸರ್ಕಾರೊದ ಪಂಚ ಗ್ಯಾರಂಟಿಲೆನ ಪ್ರೇಜನೊನು ಜನೊಕ್ಲೆಗ್ ಕಾರ್ಯಕರ್ತೆರ್ ಎತ್ತಾವೊಡು ಪಂದ್ ಪಂಡೆರ್.

ಬರ್ಪಿನ ದಿನೊಕ್ಲೆಡ್ ಪ್ರತಿ 45 ದಿನೊಕ್ಕೊರ ಬ್ಲಾಕ್ ಮಟ್ಟೊದ ಕಾರ್ಯಕರ್ತೆರೆನ್ ಭೇಟಿಯಾದ್ ಸಮಸ್ಯೆಲೆಗ್ ಕೆಬಿಕೊರೊಡು. ಬರ್ಪಿ ಲೋಕಸಭಾ ಚುನಾವಣೆಡ್ ನಮ್ಮ ಪಕ್ಷೊದ ಅಭ್ಯರ್ಥಿ ಗೆಂದುನಂಚ ತೂವೊನೊಡು ಪಂದ್ ಸಚಿವೆರ್ ಪಂಡೆರ್.
ಸ್ಥಳೀಯ ನಾಯಕೆರ್, ಬ್ಲಾಕ್ ಮಟ್ಟೊದ ಅಧ್ಯಕ್ಷೆರ್ ಕಾರ್ಯಕರ್ತೆರೆ ಭಾವನೆಲೆಗ್ ಸ್ಪಂದನೆ ಕೊರೊಡು. ನಾಯಕೆರ್ ಕಾರ್ಯಕರ್ತೆರೆಗ್ ಮುಟ್ಟ ಆಯಿನಾತ್ ಮಲ್ಲ ಮಟ್ಟೊಗು ಬುಲೆಪೆರ್ ಪಂದ್ ಪಂಡೆರ್.

ಕರಿನ ಅವಧಿಡ್ ಬಿಜೆಪಿ ಸರ್ಕಾರ ರಾಜ್ಯೊನು ಕಡತ ಗುರಿಕ್ ಪಾಡ್ದ್ಂಡ್. ಕಾಲಿ 4 ವರ್ಷಡ್ ಸುಮಾರ್ ಮೂಜರೆ ಲಕ್ಷ ಕೋಟಿ ರೂ. ಕಡತ ದಿನ್ನೊನು ತುಂಬಾತ್ಂಡ್ ಪಂದ್ ಸಚಿವೆರ್ ಪಿಸಿರ್ ತೋಜಾಯೆರ್.

ದೇಶೊಡು ಕೋಮು ಭಾವನೆಲೆನ್ ಕಲಡಾಯಿನಕುಲು ಇನಿ ಆಡಳ್ತ ಮನ್ತೊಂದುಲ್ಲೆರ್. ಅಂಚಿನ ಬ್ರಿಟಿಷೆರೆಗ್ ಪೋಡ್ಯಂದಿನ ಕಾಂಗ್ರೆಸ್ ಪಕ್ಷ ಮೊಕುಲೆಗ್ ಪೋಡ್ಯುನ ಪ್ರಶ್ನೆನೇ ಇಜ್ಜಿ. ಬರ್ಪಿ ಚುನಾವಣೆಡ್ ಯುದ್ಧೊದ ಲೆಕ ಪೊರ್ಮ್ಬುದು ಗೆಂದೊಡು ಪಂದ್ ಸಚಿವೆದಿ ಪಂಡೆರ್.