ಸುಳ್ಯ : ತನ್ನಾತೆಗೇ ಸಯ್ಯೊಂದಿಪ್ಪುನ ತಾರೆದ ದೈಕುಲು, ಅಧಿಕಾರಿಲು ಬತ್ತ್ ತೂದು ಪೋಯೆರ್

Last updated on February 18th, 2024 at 09:24 am

ಸಿರಿಯೇ ಕರಿಂಚಿಲೆಕ್ಕಾದ್ ಫಲ ಬುಡ್ತಿನ ತಾರೆದ ದೈಕುಲು ಸಯ್ಯೊಂದಿಪ್ಪುನ ಪೊಲಬು ತೂವರೆ ತೋಟಗಾರಿಕಾ ಇಲಾಖೆದ ಅಧಿಕಾರಿಲು ಸುಳ್ಯದ ತೋಟೊಲೆಗ್ ಪೋದು ತೂದು ಪರಿಶೀಲನೆ ಮಲ್ತೆರ್.

ಮಂಡೆಕೋಲು ಗ್ರಾಮದ ಅಂಬ್ರೋಟ್ಟಿ ಪೇರಾಲ್ ಅಡ್ಡಂತಡ್ಕದ ಮಾಜಿ ಸೈನಿಕೆ ದೇರಣ್ಣೆ ಗೌಡೆರೆನ ತೋಟೊಡು ಸುಮಾರ್ ತಾರೆಲು ಇಂಚೆನೆ ಸೈದ. ಅಂಚ ತೋಟಗಾರಿಕಾ ಇಲಾಖೆದಕುಲು ಬತ್ತ್ ತೂದು ಪೋಯೆರ್.

ಸಿರಿಕುರಿಯುನ ಸೀಕ್ ದ ಲಚ್ಚನ ಉಂದು ಪನ್ದ್ ಅಧಿಕಾರಿಲು ತೆರಿಪಾದೆರ್. ಈ ಸೀಕ್ ನಿಯಂತ್ರಣ ಎಂಚ ಮಲ್ಪುನು ಪನ್ದ್ ತೆರಿಪಾದೆರ್. ದೇರಣ್ಣ ಗೌಡೆರೆನ ತೋಟೊಡು 10 ವರ್ಸೊಡು ಈ ಸೀಕ್ ಡ್ 300 ದಾತ್ ತಾರೆಲು ಸೈದ. ವರ್ಸೊಗು 45000 ತಾರಾಯಿ ತಿಕ್ಕೊಂದಿತ್ತಿನ ಇತ್ತೆ 15 ಸಾರೊಗು ಕಮ್ಮಿ ಆತ್ಂಡ್ ಪನ್ದ್ ಪನ್ತೆರ್.