Last updated on February 9th, 2024 at 08:41 am
ಹೆಬ್ರಿ : ಪೆರ್ಡೂರುಡು 3.5 ಎಕರೆ ಜಾಗೊಡು ಬೃಹತ್ ಬಂಟೆರೆ ಭವನ ನಿರ್ಮಾಣ ಆದ್ ಪೆಬ್ರವರಿ 11ಕ್ಕ್ ಲೋಕಾರ್ಪಣೆ ಆವರೆ ಉಂಡು. ಈ ಲೇಸ್‌ಡ್ ಮಾತೆರ್ಲಾ ಪಾಲ್ ಪಡೆಲೆ ಪನ್ದ್ ಬಂಟೆರೆ ಸಂಘ ಪೆರ್ಡೂರು ಮಂಡಲದ ಗುರ್ಕಾರೆ ಕೆ.ಶಾಂತಾರಾಮ ಸೂಡ ತೆರಿಪಾದೆರ್.
ಆರ್ ಗುರುವಾರ ನಡತಿನ ಸಭೆಟ್ ಉದಿಪನ ಲೇಸ್ದ ಬಗೆಟ್ ಒಲವು ಕೊರಿಯೆರ್.
ಪೆರ್ಡೂರು ಮಂಡಲ ಬಂಟರ ಸಂಘದ ಕಾರ್ಯಕಾರಿ ಸಮಿತಿ ಅಂಚೆನೆ ಪದುಕೆರೆನ ನಿಚ್ಚದ ಬೊಡಿಟ್ ಅಂಚೆನೆ ದಾನಿಲೆನ ಸಕಾಯೊರ್ದು ಭವ್ಯವಾಯಿನ ಸಮುದಾಯ ನಿರ್ಮಿತ್ಂಡ್. ಪೆರ್ಡೂರು ಅಂಚೆನೆ ಸುತ್ತದ ಜನಕುಲೆಗ್ ಅಕಾರದ ಪೇಂಟೆದ ಪೊರ್ಲು ಅಂಚೆನೆ ಆತ್ಯಾಧುನಿಕ ವ್ಯವಸ್ಥೆದ ಸಭಾಭವನೊನು ತನ್ಕುಲೆ ಊರುಡೇ ತೂದು ಕುಸಿ ಪಡೆಪುನ ಪೊರ್ತು ಬೈದ್ಂಡ್. ಫೆ. 11ತ್ತಾನಿ ಕಾಂಡೆರ್ದ್ ಬಯ್ಯ ಮುಟ್ಟ ಸಾಂಸ್ಕೃತಿಕ ಕಾರ್ಯಕ್ರಮ, ಸಭೆ, ಮಧ್ಯಾಹ್ನ ಸಹಭೋಜನ ಅಂಚೆನೆ ಯಕ್ಷಗಾನ ಪ್ರದರ್ಶನ ನಡಪರೆ ಉಂಡು ಪನ್ದ್ ಪನ್ಡೆರ್.