Last updated on February 8th, 2024 at 08:26 pm
ಕುಡ್ಲ: ಫುಡ್ ಪಾಯಿಸನ್ ಆದ್ ಶ್ರೀನಿವಾಸ ಇಂಜಿನಿಯರಿಂಗ್ ಕಾಲೇಜ್ ಹಾಸ್ಟೆಲ್‌ ವಿದ್ಯಾರ್ಥಿಲು ಉಸಾರ್ ತತ್ತಿನ ನಡಕೆ ಅಂಗಾರೆ ರಾತ್ರೆ ನಡತ್‌ದ್, ಪ್ರಕರಣ ಕಡೆಸ್ಸ್‌ದ್ ಬೊಲ್ಪುಗ್ ಬೈದ್ಂಡ್.
ವಳಚ್ಚಿಲ್‌ಡ್ ಇಪ್ಪುನ ಶ್ರೀನಿವಾಸ ಇಂಜಿನಿಯರಿಂಗ್ ಕಾಲೇಜ್ ಹಾಸ್ಟೆಲ್‌ಡ್ ಈ ನಡಕೆ ನಡತ್‌ದ್ಂಡ್. ಹಾಸ್ಟೆಲ್‌ಡ್ ರಾತ್ರೆ ವನಸ್ ಮಲ್ತಿ ಬೊಕ್ಕ ವಿದ್ಯಾರ್ಥಿಲೆಗ್ ಬಂಜಿಬೇನೆ, ಪಿದಯಿ ಪೋಪುನ ಸುರುವಾತ್ಂಡ್. ಅಪಗನೇ ವಿದ್ಯಾರ್ಥಿಲೆನ್ ತುಂಬೆದ ಫಾದರ್ ಮುಲ್ಲರ್ ಆಸ್ಪತ್ರೆಗ್ ದಾಕಲ್ತ್‌ದೆರ್. ಒಂತೆ ವಿದ್ಯಾರ್ಥಿಲೆನ್ ಮುಕ್ಕದ ಶ್ರೀನಿವಾಸ ಆಸ್ಪತ್ರೆಗ್ ಸೇರಾದೆರ್.
ಈ ಬಗೆಟ್ ಪಾತೆರ್ನ ಕುಡ್ಲ ಜಿಲ್ಲಾ ಆರೋಗ್ಯಾಧಿಕಾರಿ, ಹಾಸ್ಟೆಲ್‌ಡ್ ತೆನಸ್ ತಿನ್ತಿನ 35 ವಿದ್ಯಾರ್ಥಿಲು ಉಸಾರ್ ತತ್ತ್‌ದೆರ್. ಯಾನ್ ಅಡೆಗ್ಎನ್ನ ಕೂಟೊದೊಟ್ಟುಗು ಪೋದು ಪರಿಶೀಲನೆ ಮಲ್ತ್‌ದೆ. ತೆನಸ್‌ಲೆನ ಸ್ಯಾಂಪಲ್‌ಲೆನ್ ಪ್ರಯೋಗಾಲಯೊಗು ಕಡಪುಡ್ದ್ ಕೊರ್ತ. ಉಸಾರ್ ತತ್ತಿನ ವಿದ್ಯಾರ್ಥಿಲು ಉಸಾರಾವೊಂದುಲ್ಲೆರ್ ಪಂದ್ ಪಂಡೆರ್.