Last updated on February 12th, 2024 at 07:19 pm
ಉಳ್ಳಾಲ: ಬೇಲೆದ ಮಿತ್ತ್ ಸೌದಿ ಅರೇಬಿಯಾಗ್ ಪೋಯೆರ ಇತ್ತಿನ ಜವನೆ ಒರಿ ರೈಲ್ ಎಡ್ತ್‌ದ್ ತೀರ್ದಿನ ನಡಕೆ ಸನಿಯಾರ ರಾತ್ರೆ ಉಳ್ಳಾಲ ಸ್ಟೇಶನ್ ಸೀಮೆದ ಸಂಕೊಳಿಗೆ ರೈಲ್ವೇ ಪಟ್ಟೆದಲ್ಪ ನಡತ್‌ದ್ಂಡ್.
ಉಚ್ಚಿಲ ರೈಲ್ವೇ ಗೇಟ್ ಮುಟ್ಟದ ನಿವಾಸಿ ಜಾಫರ್ (22) ತೀರ್ದಿನ ಜವನೆ.
ಜಾಫರ್‌ನ ಪಲಯೆ ಸೌದಿ ಅರೇಬಿಯಾಡ್ ಇತ್ತ್‌ದ್, ಆರ್ ಜಾಫರ್‌ಗ್ಲಾ ವೀಸಾ ಕಡಪುಡ್ದಿತ್ತೆರ್. ಅವೆಕ್ ಬೋಡಾದ್ ಜಾಫರ್ ಮುಂಬೈಗ್ಲಾ ಪೋದು ಬತ್ತಿತ್ತೆರ್. ಫೆಬ್ರವರಿ 14 ಕ್ ಸೌದಿಗ್ ಪೋಯೆರ ಅಟ್ಟನೆ ಮಲ್ದಿತ್ತೆರ್, ಆಂಡ ಇತ್ತೆ ರೈಲ್ ಎಡ್ತ್‌ದ್ ತೀರ್ದೆರ್. ಈ ಬಗೆಟ್ ರೈಲ್ವೇ ಪೋಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.