Last updated on February 25th, 2024 at 03:20 pm
ಸಮಗಟ್ಟ್ ಬರ್ಸ ದಾಂತೆ ಬರಗಾಲ ಬೈದಿನ ದಿಸೆಟ್ ತುಳುನಾಡೊರ್ಮೆ ನೀರ್‌ಗ್ ತತ್ವಾರ ಆಯಿನಾತ್ ಬೇಗೊಡು ಬರ್ಪಿನ ಲಚ್ಚನ ಉಂಡು. ಇತ್ತೆಗ್ ಈ ತತ್ವಾರ ಇಜ್ಜಿಡಲ ನನಲ ನಾಲ್-ಐನ್ ತಿಂಗೊಲುಡು ಪರಿಸ್ಥಿತಿ ಒಡೆಗ್ ಎತ್ತುಂಡು ಪನ್ದ್ ಪನರೆ ಆವಂದ್.
ಈ ದಿಸೆಟ್ ಒಡಿಪುದ ಜಿಲ್ಲಾಧಿಕಾರಿಲು ಜಿಲ್ಲಾ ವಿಪತ್ತು ನಿರ್ವಹಣ ಪ್ರಾಧಿಕಾರದಕಲೆನೊಟ್ಚುಗು ಸಭೆ ಮಲ್ತ್, ಸಭೆಟ್ ತಹಶೀಲ್ದಾರೆರ್ ಬೊಕ್ಕ ಬೇತೆ ಅಧಿಕಾರಿಲೆಗ್ ನಿರ್ದೇಶನ ಕೊರ್ತೆರ್.
ಕುಡ್ಲ ಜಿಲ್ಲೆದ ರಡ್ಡ್ ತಾಲೂಕುಲು ಕುಡ್ಲ ಬೊಕ್ಕ ಬೆದ್ರನ್ ಸರಕಾರ ಬರಪೀಡಿತ ತಾಲೂಕು ಪನ್ದ್ ಪನ್ತ್ಂಡ್. ಕರಿನ ವರ್ಸ ನೇತ್ರಾವತಿ ತುದೆ ಪತ್ತ ಆಜಿದಿನೆನ್ ನಮ ತೂತ, ಅಂಚಾದ್ ಈ ಸಲ ಅಂಚ ಆಂಡ ಅವೆನ್ ಎಂಚ ಎದ್ಕೊನ್ದು ಸಮ ಮಲ್ಪುನು ಪನ್ದ್ ಜಿಲ್ಲಾಡಳಿತ ಗೆರೆತೊನ್ದುನ್ಡು.