Last updated on February 26th, 2024 at 06:33 pm
ಇಲ್ಲದ ಉಟ್ವಾನೊದ ರಡ್ಡನೇ ಮಾಲಿಗೆಡ್ ಪೈಂಟ್ ಮಲ್ತೊಂದಿತ್ತಿನ ಜವನೆ ಲೆಂಚಿದ ಒಟ್ಟುಗು ತಾದಿಗ್ ಬೂರ್ದ್, ಅಲ್ಪನೇ ತೀರ್ದಿನ ನಡಕೆ ಶಕ್ತಿನಗರೊಡು ನಡತ್‌ದ್ಂಡ್.
ಕುಡುಪು ಕೊಂಚಾಡಿ ನಿವಾಸಿ ಮೋಹಿತ್ ಪೂಜಾರಿ(26) ತೀರ್ದಿನಾರ್. ಮೇರ್ ಕುಡ್ಲದ ಶಿವ ಎಂಡ್ ಡೆಕೋರೇಟರ್ಸ್‌ದ ದನಿ ಚಂದ್ರಶೇಖರ್ ಮೆರೆನ ಇಲ್ಲಡ್ 15 ದಿನೊರ್ದಿಂಚಿ ಪೈಂಟಿಂಗ್ ಬೇಲೆ ಮಲ್ತೊಂದಿತ್ತೆರ್. ಫೆ.24ತಾನಿ ಮೋಹಿತ್ ಬೊಕ್ಕ ದೀಪಕ್ ರಡ್ಡನೇ ಮಾಲಿಗೆದ ಪಿದಯಿ ಮದೆಲ್‌ಗ್ ಪೈಂಟ್ ಕೊರೊಂದುಪ್ಪುನಗ ಲೆಂಚಿ ಜಾರ್ದ್ ಪಿದಯಿ ಬೂರ್ದ್ಂಡ್. ಮೋಹಿತ್ ಪಿದಯಿದ ತಾದಿಗ್ ರಟ್ಟ್‌ದ್, ಗಾತಿದ ಪೆಟ್ಟಾದಿತ್ತ್ಂಡ್. ಆರೆನ್ ಆಸ್ಪತ್ರೆಗ್ ಲೆತೊಂದು ಪೋಪಿನ ದುಂಬೇ ಅಲ್ಪನೇ ತೀರ್ದೆರ್.
ನಡಕೆದ ಬಗೆಟ್ ಮೋಹಿತ್ ಮೆರೆನ ಸಮ್ಮಲೆ ಕಂಕನಾಡಿ ಸ್ಟೇಶನ್‌ಗ್ ಒಯಿಲ್ ಕೊರ್ದಿತ್ತ್‌ದ್, ನಡಕೆಡ್ ದಾಲ ಸಂಶಯ ಇಜ್ಜಿ. ಲೆಂಚಿಡ್ ಉಂತುದ್ ಬೇಲೆ ಮಲ್ತೊಂದುಪ್ಪುನಗ ತತ್ತ್‌ದ್ ಬೂರ್ದ್ ತೀರ್ದೆರ್ ಪಂದ್ ತೆರಿಪಾದೆರ್. ಅಂಚೆನೇ ಕಂಕನಾಡಿ ನಗರ ಸ್ಟೇಶನ್‌ಡ್ ಯುಡಿಆರ್ ಕೇಸ್ ದಾಕಲಾದಿತ್ತ್‌ದ್ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.