Last updated on March 31st, 2024 at 05:49 pm
ಬೊಲ್ತೇರ್: ಮುಂಡಾಜೆ ಗ್ರಾಮೊದ ಸೋಮಂತಡ್ಕದ ಅಗರಿ- ಉರ್ತಾಜೆ ಸಾದಿಡ್ ಏರೋ ವಿಷ ಪಾಡಿನೆರ್ದಾವರ 10 ರ್ದ್ ಮಿತ್ತ್ ತಾಂಕನೊದ ನಾಯಿಲ ಅಂಚೆನೇ ತಿರ್ಗು ನಾಯಿಲು ಸೈತ್‌ದ.
ಮಾ. 30 ದ ಶನಿವಾರ ರಾತ್ರೆ ಈ ಸಾದಿಡೊರ್ಮೆ ತೆನಸ್‌ಡ್ ವಿಷ ಕಲತ್‌ದ್ ಅಲ್ಪಲ್ಪ ದಕ್ಕ್‌ದ್ ಪೋತೆರ್. ನೆನ್ನ್ ತಿಂತಿನ ನಾಯಿಲು ಸೈದ್ ಬೂರ್ದ. ರಾತ್ರೆ ಈಸ್ಟರ್ ಪರ್ಬೊರ್ದು ಪಿರ ಪೋವೊಂದಿತ್ತಿನ ಜನೊಕುಲು ನೆನ್ನ್ ತೂದ್ ಅಪಗನೇ ಪಂಚಾಯಿತಿ ಅಧ್ಯಕ್ಷೆ ಗಣೇಶ್ ಬಂಗೇರೆರೆನ ಗೇನೊಗು ಕನತ್‌ದೆರ್. ಪರಿಶೀಲನೆ ಮಲ್ತ್ ತೂನಗ ಕೆಲ ಇಲ್ಲ್‌ಲೆನ ಜಾಲ್‌ಡ್ಲಾ ನಾಯಿಲು ಸೈತ್ ಬೂರ್ದಿನ ತೆರಿದ್ಂಡ್.
ಸೈದಿನ ನಾಯಿಲೆನ್ ಪಂಚಾಯಿತಿ‌ದ ಕಡೆರ್ದ್ ಕೌಂತ್‌ದೆರ್. ರಡ್ಡ್ ವರ್ಸೊಗು ದುಂಬು ಇಂಚಿನನೇ ನಡಕೆ ಮುಲ್ಪ ನಡತಿತ್ತ್ಂಡ್‌ಗೆ.