Last updated on March 24th, 2024 at 10:15 am
ಈ ಸಲ ಓಟು ಘೋಷಣೆ ಆಯಿಬೊಕ್ಕ ಇಲ್ಲಡ್ ಮಲ್ಪುನ ಎಡ್ಡೆಮಿಲ್ಲಿಗ್ಲಾ ಸಂಚಿಕಾರ ಬೈದಿಲೆಕ್ಕ ಆತ್ಂಡ್. ಉಂದೆಕ್ಲಾ ಅನುಮತಿ ದೆತೊನೊಡು ಪನ್ದ್ ಚುನಾವಣಾ ಆಯೋಗ ಪನ್ತ್ಂಡ್.
ಎಡ್ಡೆಮಿಲ್ಲಿನ್ ರಾಜಕೀಯ ಪಕ್ಷದ ನಾಯಕೆರ್ನಕುಲು ಓಟು ಕೇನರೆ ಗಲಸುನ ಸಾಧ್ಯತೆ ಉಪ್ಪುನೆರ್ದಾವರ ಮದ್ಮೆ, ಮಾದ್ರೆಂಗಿ, ತಮ್ಮನ, ಇಲ್ಲೊಕ್ಕೆಲ್ ಇಂಚಿನ ಲೇಸ್ ಲೆನ ಮಿತ್ತ್ ಚುನಾವಣಾ ಆಯೋಗ ಗಿಡಿತ ಕಣ್ಣ್ ದೀವೊಂದು ತೂವೊಂದುಂಡು.
ಮದ್ಮೆ, ಮದಿರೆಂಗಿ, ತಮ್ಮನದಂಚಿನ ಲೇಸ್ ಲೆಗ್, ಕೋಲ, ನೇಮ, ಅಂಕ ಆಯನೊಲೆಗ್ ರಾಜಕೀಯ ನಾಯಕೆರೆನ್ ಬಿನ್ನೆರಾದ್ ಲೆಪ್ಪುನ ಪ್ರತಿಷ್ಠೆದ ಸಂಗತಿಯಾದುಪ್ಪುಂಡು. ನೀತಿ ಸಂಹಿತೆ ಉಪ್ಪುನೆರ್ದಾವರ ಲೇಸ್ಲೆಗ್ ಚುನಾವಣೆಡ್ ಉಂತುನ ಅಭ್ಯರ್ಥಿಲು, ರಾಜಕೀಯ ನಾಯಕೆರ್ ಬತ್ತೆರ್ಡ ಅಕುಲು ಕಾಲಿ ಕಜ್ಜೊಗು ಬಿನ್ನೆರಾದ್ ಬತ್ತ್ ಎಡ್ಡೆಪ್ಪು ಬಾಮಿಗ್ ಪೋವೊಡು. ಅವ್ ಅತ್ತಂದೆ ರಾಜಕೀಯ ಪಕ್ಷದ ಚಿಹ್ನೆ ಗಲಸುನು, ಓಟು ಕೇನುನು ಮಲ್ತ್ಂಡ ನೀತಿ ಸಂಹಿತೆ ಉಲ್ಲಂಘನೆ ಪನ್ದ್ ಕ್ರಮ ದೆತೊನುವ ಪನ್ದ್ ಆಯೋಗ ತೆರಿಪಾದ್ಂಡ್.