Last updated on March 30th, 2024 at 08:16 pm
ಕಾಪು: ಪೊಲೀಸ್ ಸ್ಟೇಶನ್‌ದ ಪೊಂಜೊವು ಸಿಬ್ಬಂದಿಯೊರ್ತಿ ಪೊಲೀಸ್ ಕ್ವಾಟ್ರಸ್‌ಡೇ ಬಲ್ಲ್ ಪಾಡೊಂದಿನ ನಡಕೆ ಇನಿ ಕಾಂಡೆ ಬೊಲ್ಪುಗು ಬೈದ್ಂಡ್.
ಜ್ಯೋತಿ (29) ತೀರ್ದಿನ ಮಹಿಳಾ ಪೊಲೀಸ್ ಸಿಬ್ಬಂದಿಯಾದಿತ್ತ್‌ದ್, ಜೂವ ಗೆತೊನೆರ ಪತ್ತ ನೆವನ ತೆರಿದ್ ಬೈದಿಜಿ.
ಶುಕ್ರವಾರ ಏಪೊಲ್ದ ಲೆಕ ಬೇಲೆ ಮಲ್ತಿತ್ತಿನ ಆರ್ ರಾತ್ರೆ ಕ್ವಾಟ್ರಸ್‌ಗ್ ಬತ್ತಿತ್ತ್‌ದ್ ಶನಿವಾರ ಕಾಂಡೆ ಬಲ್ಲ್ ಪಾಡೊಂದೆರ್ ಪಂದ್ ತೆರಿದ್ ಬೈದ್ಂಡ್.
ಮೆರೆನ ಕಂಡನೆ ಕೆ.ಎಸ್.ಆರ್.ಟಿ.ಸಿ ಸಿಬ್ಬಂದಿಯಾದಿತ್ತ್‌ದ್ ಕಾಂಡೆ ಬೇಲೆಗ್ ಪೋಯೆರ ಪಿದಡ್ನಗ ಈ ಬೊಡೆದಿ ಜ್ಯೋತಿ ಬಲ್ಲ್ ಪಾಡೊಂದಿನೆನ್ ತೂತೆರ್.
ಅಪಗನೇ ಮುಟ್ಟಡಿತ್ತಿನ ಪೊಲೀಸ್ ಸ್ಟೇಶನ್‌ಗ್ ಒಲವು ಕೊರ್ತೆರ್.
ಎಚ್ಚಿಗೆದ ಪೊಲೀಸ್ ಅಧೀಕ್ಷಕೆ ಸಿದ್ಧಲಿಂಗಪ್ಪೆರ್, ಡಿವೈಎಸ್ಪಿ ಅರವಿಂದ ಕಲಗುಜ್ಹಿ, ಕಾಪು ತಹಶೀಲ್ದಾರ್ ಪ್ರತಿಭಾ ಆರ್. ಮೊಕುಲು ಮಾತ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.
ಕಾಪು ಎಸ್ಐ ಅಬ್ದುಲ್ ಖಾದರ್‌ ಅಲ್ಪನೇ ಉಲ್ಲೆರ್, ಎಚ್ಚಿನ ಒಲವು ನನ ತಿಕ್ಕೊಡಾತೆ.