Last updated on April 29th, 2024 at 06:25 pm
ಮೂಲ್ಕಿ ಸುಂದರ ರಾಮ್ ಶೆಟ್ಟಿ ಕಾಲೇಜ್-ಶಿರ್ವ ಮೂಲು 29/೦4/2024ನೆ ದಿನೊತಾನಿ ಲಯನ್ಸ್ ಕ್ಲಬ್ ಬಪ್ಪನಾಡ್ ಇನ್ಸ್ಫಯರ್ ಮೊಕ್ಲೆನ ಕಡೆರ್ದ್ ಕೆರಿಯರ್ ಒಪರ್ಚ್ಯುನಿಟಿಸ್ ಆ್ಯಂಡ್ ಪ್ಲೇಸ್ಮೆಂಟ್ ಅವ್ಯೆನ್ಯುಸ್ ಕಜ್ಜೊನು ಅಟ್ಟನೆ ಮಂತ್ ಇತ್ತುಂಡ್. ಈ ಕಜ್ಜೊಗು ಮಲ್ಲ ಬಿನ್ನೆರಾದ್ ಲಯನ್ ಸುಧೀರ್ ಬಾಳಿಗ ಗುರ್ಕಾಲ್, ಲಯನ್ಸ್ ಕ್ಲಬ್ ಬಪ್ಪನಾಡ್ ಇನ್ಸ್ಫಯರ್ ಬೊಕ್ಕ ಲಯನ್ಸ್ ಕ್ಲಬ್ ಬಪ್ಪನಾಡ್ ಇನ್ಸ್ಫಯರ್ ಉಂದೆತ್ತ ಕಲ್ಪಾದಿ ಆಯಿನ ಲಯನ್ ಪ್ರಶಾಂತ್ ಶೆಟ್ಟಿ ಬೊಕ್ಕ ಲಯನ್ ಪುಷ್ಪರಾಜ್ ಚೌಟ ಮೆಕ್ಲ್ ಬತ್ತಿತ್ತೆರ್. ಕಾಲೇಜಿದ ಪ್ರಾಂಶುಪಾಲೆರ್ ಡಾ. ಮಿಥುನ್ ಚಕ್ರವರ್ತಿ ಮೆರೆನ ಗುಕಾರ‍್ಮೆಡ್ ಈ ಕಜ್ಜೊ ನಡತ್‌ಂಡ್.
ಈ ಕಜ್ಜೊಡು ಕಾಲೇಜ್‌ದ ಎನ್.ಎಸ್.ಎಸ್ ಅಧಿಕಾರ್ಲು ಹೇಮಲತಾ ಶೆಟ್ಟಿ ಬೊಕ್ಕ ಕಜ್ಜೊದ ಒತ್ತು ಆಯೋಜಕೆರ್ ರಶ್ಮಿ ಮೇರ್ ಪಾಲ್ ಪಡೆಯೆರ್. ಪ್ರಶಾಂತ್ ಶೆಟ್ಟಿ ಮೇರ್ ಕಲ್ಪಾರ್ತಿಲೆಗ್ ಕೆರಿಯರ್ ಒಪರ್ಚ್ಯುನಿಟಿಸ್ ಆ್ಯಂಡ್ ಪ್ಲೇಸ್ಮೆಂಟ್ ಅವ್ಯೆನ್ಯುಸ್‌ದ ಬಗ್ಗೆ ಪೊಲಬು ಕೊರಿಯೆರ್.
ಈ ಕಜ್ಜೊಗ್ ಬೈದಿನ ಬಿನ್ನೆರೆಗ್ ಕಾಲೇಜ್‌ದ ಕಡೆರ್ದ್ ಅಂಬಲೇಜ್ಯ ಕೊರ್ದು ಮಾನಾದಿಗೆ ಮಂತ್ಂಡ್. ಕಜ್ಜೊದ ನಿರೂಪಣೆನ್ ಹರ್ಷಿತಾ ಮೇರ್ ನಡಪಾಯೆರ್, ಹೇಮಲತಾ ಶೆಟ್ಟಿ ಮೇರ್ ಕಜ್ಜೊಗ್ ಬತ್ತಿನ ಬಿನ್ನೆರ್ ಎದ್ಕೊನಿಯೆರ್. ಕಜ್ಜೊದ ಒತ್ತು ಆಯೋಜಕೆರ್ ರಶ್ಮಿ ಮೇರ್ ಬೈದಿನ ಮಾತೆರೆಗ್ಲ ಸೊಲ್ಮೆ ಸಂದೈತ ಮಲ್ತೆರ್.