Last updated on April 24th, 2024 at 08:12 am
ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್ ಶಿರ್ವ ಮೂಲು 23-04-2024ನೆ ದಿನೊತಾನಿ ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಉದಿಪನದ ಕಜ್ಜೊನ್ ಆಯೋಜನೆ ಮಂತಿತ್ಂಡ್. ಈ ಕಜ್ಜೊದ ಮಲ್ಲ ಬಿನ್ನೆರಾಯಿನ ಕು.ಯಶೋದಾ ಎಲ್ಲೂರು, ಕಾಲೇಜಿದ ಪ್ರಾಂಶುಪಾಲೆರ್ ಬೊಕ್ಕ ಡಿಜಿಟೆಕ್ ದ ಅಡ್ವೈಸರ್ ಆಯಿನ ಡಾ. ಮಿಥುನ್ ಚಕ್ರವರ್ತಿ ಬೊಕ್ಕ ವಾಣಿಜ್ಯ ವಿಭಾಗದ ಕಲ್ಪಾದಿ ಅಂಚನೆ ಡಿಜಿಟೆಕ್ ದ ಚೇರ್ಪರ್ಸನ್ ಆಯಿನಂಚಿನ ಸೋನಾ ಹೆಚ್. ಸಿ ಮೊಕ್ಲೆನ್ ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಚೀಫ್ ಎಕ್ಸಿಕ್ಯೂಟಿವ್ ಆಫಿಸರ್ ಬೊಕ್ಕ ಇತಿಹಾಸ & ಪುರಾತತ್ವ ವಿಭಾಗದ ಕಲ್ಪಾದಿ ಆಯಿನಂಚಿನ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಮೇರ್ ಮಿತ್ತೋರ್ಮೆಗ್ ಎದುಕೊನಿಯೆರ್. ಸೋನಾ. ಹೆಚ್. ಸಿ. ಮೇರ್ ಪ್ರಾಸ್ತಾವಿಕ ಪಾತೆರ ಪಾತೆರ್ದ್, ಬತ್ತಿನಂಚಿನ ಬಿನ್ನೆರೆನ್ ಕಜ್ಜೊಗು ಎದುಕೊನಿಯೆರ್. ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಉದಿಪನನ್ ಯಶೋದಾ ಎಲ್ಲೂರು ಮೇರ್ ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಲೋಗೋ ನ್ ಬುಡುಗಡೆ ಮನ್ಪುನ ಮೂಲಕ ನಡಪಾದ್ ಕೊರ್ಯೆರ್ ಉಂದು ಆಯ್ಬೊಕ್ಕ ಡಿಜಿಟೆಕ್ ದ ಪದುಕೆರೆಗ್ ಬ್ಯಾಡ್ಜ್ ಆಂಚನೆ ಅಸೈನ್ಮೆಂಟ್ ಲೆಟರ್ ಪಟ್ಯೆರ್. ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಪದುಕೆರಾಯಿನ ಪ್ರಥ್ವಿಕ್ ಆಚಾರ್ಯ ಬೊಕ್ಕ ಶ್ರೇಯಾ ಮೂಲ್ಯ ಮೆಕ್ಲ್ ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಬಗ್ಗೆ ತನ್ಕುಲೆನ ರಡ್ ಪಾತೆರ ಪಂಡೆರ್. ಈ ಕಜ್ಜೊದ ಮಲ್ಲ ಬಿನ್ನೆರಾಯಿನ ಕು.ಯಶೋದಾ ಎಲ್ಲೂರು ಎಮ್.ಎಸ್.ಆರ್.ಎಸ್ ಡಿಜಿಟೆಕ್ ದ ಬಗ್ಗೆ ಬೊಕ್ಕ ಡಿಜಿಟಲ್ ಜಗತ್ತ್ ದ ಬಗ್ಗೆ ಒಂಜಿ ರಡ್ ಪಾತೆರ ಪಂಡೆರ್. ಬೊಕ್ಕ ಮೇರೆಗ್ ಕಾಲೇಜಿದ ಲೆಕ್ಕೊಡು ಅಂಬಲೆಜ್ಯ ಕೊರ್ದು ಮಾನಾದಿಗೆ ಮಲ್ತ್ಂಡ್. ಕಜ್ಜೊನ್ ಪ್ರತೀಕ್ಷಾ ಮೇರ್ ನಡಪಾದ್ ಕೊರಿಯೆರ್. ಬೊಕ್ಕ ಬತ್ತಿನಂಚಿನ ಮಾತೆರೆಗ್ಲ ವೇದ್ಯಾಶ್ರೀ ಮೇರ್ ಸೊಲ್ಮೆ ಸಂದೈತ ಮಂತೆರ್.