Last updated on April 30th, 2024 at 09:32 pm
ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್ ಶಿರ್ವ, ಮೂಲು 30-04-2024ನೇ ದಿನೊತಾನಿ ಕಾಲೀಜಿದ ಸ್ಥಾಪಕೆರೆ ದಿನ ಬೊಕ್ಕ ಕರಿಯರ್ ಆ್ಯಂಡ್ ಪ್ಲೇಸ್ಮೆಂಟ್ ಟ್ರೈನಿಂಗ್ ಕಜ್ಜ ನಡತ್ಂಡ್.
ಈ ಕಜ್ಜಗ್ ಮಲ್ಲ ಬಿನ್ನೆರಾದ್ ಬೈದಿನ ಕಾಲೇಜಿದ ನಿವೃತ್ತ ಕಚೇರಿ ಅಧೀಕ್ಷಕೆರ್ ಶ್ರೀ ರಮಾನಂದ್ ಶೆಟ್ಟಿಗಾರ್ ಬೊಕ್ಕ ಕ್ಯುಸ್ಪೈಡರ್ ಬ್ಯಾಂಗಲೋರ್ ನೆತ್ತ ಪದುಕೆರ್ ಆಯಿನಂಚಿನ ಕು. ಜೆನಿಫರ್ ಲೋಬೋ ಬೊಕ್ಕ ಕು. ಶ್ರೀಲೇಖ ಮೊಕುಲು ಪಾಲ್ ಗೆತೊಂದಿತ್ತೆರ್. ಕಜ್ಜೊದ ಗುರ್ಕಾರ್ಲಾಯಿನ ಕಾಲೇಜಿದ ಪ್ರಾಂಶುಪಾಲೆರ್ ಡಾ. ಮಿಥುನ್ ಚಕ್ರವರ್ತಿ ಬೊಕ್ಕ ಕಜ್ಜೊದ ಸಹ ಆಯೋಜಕೆರಾಯಿನ ಹೇಮಲತಾ ಶೆಟ್ಟಿ ಮೇರ್ ಕಜ್ಜೊಡು ಇತ್ತೆರ್. ಕಜ್ಜೊದ ಸುರುಕಾದ್ ಕಾಲೇಜಿನ್ ಉಂಡುಮಲ್ತಿನ ಮೂಲ್ಕಿ ಸುಂದರ್ ರಾಮ್ ಶೆಟ್ರೆನ ಪಟೊಕ್ಕು ಪುರ್ಪ ಸೊಲ್ಮೆ ಸಂದೈತ ಮಂತೆರ್. ಕಜ್ಜೊದ ಮಲ್ಲ ಬಿನ್ನೆರಾಯಿನ ಶ್ರೀ ರಮಾನಂದ್ ಶೆಟ್ಟಿಗಾರ್ ಮೇರ್ ಮೂಲ್ಕಿ ಸುಂದರ್ ರಾಮ್ ಶೆಟ್ರೆನ ವ್ಯಕ್ತಿತ್ವದ ಬಗ್ಗೆ ಬೊಕ್ಕ ಆರೆನ ಜೀವನೊದ ಅಂಶೊಲೆನ್ ಗೋಡ್ಯೊವೊಂದು ಇತ್ತೆದ ಜವನೆರ್ ಎಂಚ ಎಡ್ಡೆಪ್ಪುದ ಜೀವನೊ ಕರಿಪೊಲಿ ಪಂದ್ ಪಂಡೆರ್. ಕು. ಜೆನಿಫರ್ ಕಲ್ಪಾರ್ಥಿಲೆಗ್ ಕರಿಯರ್ ಆ್ಯಂಡ್ ಪ್ಲೇಸ್ಮೆಂಟ್ ದ ಬಗ್ಗೆ ಪೊಲಬು ಕೊರಿಯೆರ್. ಈ ಕಜ್ಜೊಗು ಬತ್ತಿನ ಬಿನ್ನೆರೆಗ್ ಕಾಲೇಜಿದ ಪರವಾದ್ ಅಂಬಲೇಜ್ಯ ಕೊರ್ದು ಮಾನಾದಿಗೆ ಮಂತ್ಂಡ್. ಕಜ್ಜೊದ ನಿರೂಪಣೆನ್ ಅಪ್ಸಾನ ಮೇರ್ ಮಂತೆರ್, ಕಜ್ಜೊದ ಸಹ ಆಯೋಜಕೆರಾಯಿನ ಹೇಮಲತಾ ಶೆಟ್ಟಿ ಮೇರ್ ಬತ್ತಿನಂಚಿನ ಬಿನ್ನೆರೆನ್ ಎದ್ಕೊನಿಯೆರ್ ಬೊಕ್ಕ ವಾಣಿಜ್ಯ ವಿಭಾಗೊದ ಕಲ್ಪಾದಿ ಆಯಿನ ರಶ್ಮಿ ಮೇರ್ ಮಾತೆರೆಗ್ಲ ಸೊಲ್ಮೆ ಸಂದೈತ ಮಂತೆರ್.