Last updated on April 16th, 2024 at 12:14 pm
ಒಡಿಪು ಜಿಲ್ಲೆದ ಕಟ್ಪಾಡಿ ಪೇಂಟೆದ ಸುತ್ತಮುತ್ತ ಒಂಜರೆ ಕಿಲೋಮೀಟರ್ ವ್ಯಾಪ್ತಿಡ್ ಕರಿನ ಒಂಜಿ ತಿಂಗೊಲುರ್ದು ಮೊಬೈಲ್ ನೆಟ್ವರ್ಕ್ ಪತ್ತ ಉಂತುದುಂಡು. ಖಾಸಗಿ ಕಂಪೆನಿಲೆನ ಸಿಮ್ ಬೊಕ್ಕ ಇಂಟರ್ನೆಟ್ ಗಲಸುನಕಲೆಗ್ ಮಾಮಲ್ಲ ಮಂಡೆಬೆಚ್ಚ ಆದ್ ಪೋತುಂಡು.
ಮೊಬೈಲ್ ಕಂಪೆನಿ ಬೊಕ್ಕ ಟವರ್ ಪಾಡ್ದಿತ್ತಿನ ಜಾಗೆದ ಧನಿಕುಲೆನ ನಡುತ ಒಪ್ಪಂದ ಮುಗಿನೆರ್ದಾವರ ಏರ್ಟೆಲ್, ವಿಐ ಬೊಕ್ಕ ಜಿಯೋ ದಕಲೆಗ್ ನೆಟ್ವರ್ಕ್ ತಿಕ್ಕಂದಿಲೆಕ್ಕ ಆತ್ಂಡ್. ಫೋನ್ ಮಲ್ಪರೆ, ಬತ್ತ್ಂಡ ದೆಪ್ಪರೆ ಆವೊಂದಿಜ್ಜಿ, ಬೇರದಕಲೆಗ್ ಆನ್ಲೈನ್ ಪನವು ಪಾಡರೆ ದೆಪ್ಪರೆ ಆವೊಂದಿಜ್ಜಿ. ವರ್ಕ್ ಫ್ರಂ ಹೋಂ ಮಲ್ಪುನಕಲೆಗ್ ಪೂರಾ ಬೇಲೆನೇ ಮಲ್ಪರೆ ಆವಂದಿಲೆಕ್ಕ ಆತ್ಂಡ್.
ಮೊಬೈಲ್ ಸೇವೆ ಕೊರ್ಪಿನ ಕಂಪೆನಿಲು, ಟವರ್ ದಾಂತೆ ಎಂಕುಲು ದಾಲಾ ಮಲ್ಪರೆ ಆಪುಜಿ. ಕೈತಲ್ಡ್ ಟವರ್ ಪಾಡರೆ ಬೇತೆ ಜಾಗೊಲುಲಾ ತಿಕ್ಕೊಂದಿಜ್ಜಿ ಪನ್ದ್ ಪನೊಂದುಲ್ಲೆರ್.
ಪಿಸಿರಾತಿನ ಜನಕುಲು ಬೇಗೊಡೇ ಕಂಪೆನಿಲು ಟವರ್ ಪಾಡ್ದ್ ಪರ್ಯಾಯ ವ್ಯವಸ್ಥೆ ಮಲ್ಪೊಡು ಇಜಿಂಡ ಸಂಘಟಿತ ಪೊರುಂಬಾಟ ಮಲ್ಪುನ ಬಗೆಟ್ ಯೋಜನೆ ಪಾಡೊಂದುಲ್ಲೆರ್.