Last updated on April 4th, 2024 at 12:06 pm
ಸುಳ್ಯ: ಬೇಲೆ ಕೇನೊಂದು ಬತ್ತಿನಾಯೆ ಮೊಬೈಲ್‌, ಬೈಕ್ ಕಂಡ್‌ದ್ ಪದ್ರಾಡಾತಿನ ಬಗೆಟ್ ಸುಳ್ಯ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.
ಬೊಲ್ತೇರ್ ತಾಲೂಕ್‌ದ ಕುವೆಟ್ಟು ಗ್ರಾಮೊದ ಬರಾಯದ ರಿಯಾಜ್‌ ಸುಳ್ಯ ಸ್ಟೇಶನ್‌ಡ್ ಒಯಿಲ್ ಕೊರ್ತೆರ್. ರಿಯಾಜ್‌ ಮೇರ್ ಅರಂತೋಡುದ ಹೊಟೇಲ್‌ ಒಂಜೆಟ್ ಬೇಲೆ ಮಲ್ತೊಂದಿತ್ತ್‌ದ್, ಆರೆನಡೆಗ್ ಅರೆನ ಗುರ್ತದ ಹರ್ಷಿಕೇಶ್‌ ಬೇಲೆ ಕೇಂದಿತ್ತ್‌ದ್, ಆ ಪ್ರಕಾರ ಆಯನ್ ರಿಯಾಜ್‌ ಹೊಟೇಲ್‌ಗ್ ಲೆತೊಂದು ಪೋದಿತ್ತ್‌ದ್, ಮಧ್ಯಾಹ್ನ ರಿಯಾಜ್‌ ಒಂತೆ ಜೆತ್ತ್‌ದ್ ಲಕ್ಕ್‌ದ್ ತೂನಗ ಹರ್ಷಿಕೇಶ್‌ ರೂಂಡ್ ಇಜ್ಜಂಡ್. ಒಟ್ಟುಗು ರಿಯಾಜ್‌ ಮೆರೆನ ಮೊಬೈಲ್‌(14 ಸಾವಿರ ರೂ. ಮೌಲ್ಯೊದ) ಅಂಚೆನೇ ಬೈಕ್ (60 ಸಾವಿರ ರೂ. ಮೌಲ್ಯೊದ) ಕಂಡ್‌ದ್ ಪೋತಿನ ತೆರಿದ್ಂಡ್.
ಈ ಬಗೆಟ್ ಸುಳ್ಯ ಸ್ಟೇಶನ್‌ಗ್ ಒಯಿಲ್ ಕೊರ್ದಿತ್ತ್‌ದ್, ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.