ಶಿರ್ವ: ಕುತ್ಯಾರ್ ಕೇಂಜಡ್ ಚಿಟ್ಟೆಪಿಲಿ ಅಂಚೆನೇ ಬೇತೆ ಕಾಡಮುರ್ಗೊಲೆನ ಉಪದ್ರ

Last updated on April 8th, 2024 at 03:48 pm

ಶಿರ್ವ: ಕುತ್ಯಾರ್ ಗ್ರಾ.ಪಂ. ಸೀಮೆದ ಕುತ್ಯಾರ್ ಕೇಂಜ ಪರಿಸರೊಡು ಚಿಟ್ಟೆಪಿಲಿ ಅಂಚೆನೇ ಬೇತೆ ಕಾಡಮುರ್ಗೊಲೆನ ಉಪದ್ರ ಎಚ್ಚ ಆವೊಂದಿತ್ತ್‌ದ್, ಸಾದಿಡೆ ಪೋಪುನ ಗ್ರಾಮಸ್ಥೆರು, ವಿದ್ಯಾರ್ಥಿಲು ಪೋಡಿಗಟ್ಟ್‌ದ್ ಪೋತೆರ್.

ಮುಲ್ಪದ ಕಾಡ್‌ಡ್ ಮೂಜಿ ನಾಲ್ ಚಿಟ್ಟೆಪಿಲಿಕುಲು ಇತ್ತ್‌ದ್, ರಾತ್ರೆ ತಿರ್ಗೊಂದುಪ್ಪುವ. ಸಾದಿಡೆ ಪೋಪುನಕಲೆಗ್ ಪೋಡಿಗೆಡೆ ಪೋಪಿಲೆಕ ಆತ್ಂಡ್. ಗಾಡಿಡ್ ಪೋವೊಂದಿತ್ತಿನಾರೆಗೊರ್ಯಗ್ ರಾತ್ರೆ ಸಾದಿಡೆ ತಿರ್ಗೊಂದುಪ್ಪುನ ಚಿಟ್ಟೆಪಿಲಿ ತೂಯೆರ ತಿಕ್ಕ್‌ದಿತ್ತ್‌ದ್, ಮೊಬೈಲ್‌ಡ್ ಫೋಟೋ ಗೆತ್ತ್‌ದೆರ್. ನೆಟೆದಕ್ಲೆನ ತಾಂಕನೊದ ಮುರ್ಗೊಲ್ಲಾ ತೋಜಂದೆ ಆಪಿನವು ಬೊಂಯಕಲಾ ಪೋಡಿಗೆ ಎಚ್ಚ್ ಮಲ್ದ್ಂಡ್.

ಈ ಸಾದಿಡೆ ನಿಚ್ಚೊಲಾ ಬೇತೆ ಬೇತೆ ಶಾಲೆಕಾಲೇಜಿಲೆಗ್ ನಡತೊಂದು ಪೋಪುನ ಜೋಕುಲು, ಬೇತೆ ಬೇತೆ ಕಡೆಕ್, ಬೇಲೆಗ್ ಪೋಪುನ ಜನೊಕುಲು, ಗಾಡಿದಕುಲು ಮಾತೆರ್ಲಾ ಪೋಡೀಗೆಡೇ ಪೋವೊಂದಿತ್ತ್‌ದ್, ಗ್ರಾ.ಪಂ. ಬೊಕ್ಕ ಅರಣ್ಯ ಇಲಾಖೆ ಈ ತಲೆಪುಗು ಬೇಗೊಡೆ ಪರಿಹಾರ ಮಲ್ತ್ ಕೊರೊಡು.