Last updated on May 23rd, 2024 at 02:41 pm
ಬೊಲ್ತೇರ್: ತೆಂಕಕಾರಂದೂರ್ ಗ್ರಾಮೊದ ಪಲ್ಕೆ ಪನ್ಪಿನವುಲು ಮೇ. 22 ತಾನಿ ನಡೀರ್ ಕರಿದ್ ರಡ್ಡ್ ಇಲ್ಲಲೆಡ್ ಕಲ್ವೆ ನಡತ್‌ದ್ಂಡ್.
ಪಲ್ಕೆ ನಿವಾಸಿ ಪ್ರೇಮ ಶೆಟ್ಟಿ ಪನ್ಪಿನಾರೆನ ಇಲ್ಲಡ್, ಮಗೆ ಪ್ರಾಯ ಆತಿನ ಅಪ್ಪೆ ಒಪ್ಪ ಇಪ್ಪುನಗನೇ ರಾತ್ರೆ ಕುದುಬಾಕಿಲ್ ಪುಡತ್‌ದ್ ರೂಮ್‌ಡುಪ್ಪುನ ಕಪಾಟ್ ಪುಡತ್‌ದ್ ಸುಮಾರ್ 20 ಪವನ್ ಬಂಗಾರ್, ಬೇತೆ ದಾಖಲೆಲೆನ ಚೀರಾವುನೇ ಲಕ್ಕದ್ ಪದ್ರಾಡಾತೆರ್. ಕಪಾಟ್‌ದ ಬರಿಟೇ ಇಲ್ಲದಕುಲು ಜೆತ್ತಿತ್ತೆರ್ನ್ಡಲಾ ಕಲ್ವೆರ್ ಬಾರೀ ಚಾತುರ್ಪುಡು ಕಂಡ್‌ದಿತ್ತ್‌ದ್, ಇಲ್ಲದಕ್ಲೆಗ್ ಎಚ್ಚರ್ಗೆಲಾ ಆತಿಜಿ.
ಪ್ರೇಮಾ ಮೆರೆನ ಇಲ್ಲಲ್ದ್ ಕಾಲಿ 200 ಮೀಟರ್ ದೂರೊಡುಪ್ಪುನ ಕರಂಬಾರ್ ಗ್ರಾಮೊದ ಮುಂಡೆಲ್ ವಿಶ್ವನಾಥ ಶೆಟ್ರೆನ ಇಲ್ಲಡ್ಲಾ ಕಲ್ವೆ ನಡತ್‌ದ್ಂಡ್.
ಈ ಇಲ್ಲದಕುಲೆನ ಬಿನ್ನೆರೆ ಇಲ್ಲಡ್ ಕೋಲ ಇತ್ತಿನೆರ್ದಾವರ ಬಯ್ಯಡ್ ಪೋದಿತ್ತ್‌ದ್ ಇಲ್ಲದ ಬಾಕಿಲ್ ಪುಡತ್‌ದ್ 4 ಪವನ್ ಬಂಗಾರ್ ಕಂಡ್‌ದ್ ಪದ್ರಾಡಾತಿನ ನಠ
ಡಕೆ ಬೊಲ್ಪುಗು ಬೈದ್ಂಡ್.
ಜಾಗೆಗ್ ವೇಣೂರು ಸ್ಟೇಶನ್ ಉಪನಿರೀಕ್ಷಕೆ ಶ್ರೀಶೈಲ ಮೆರೆನ ಕೂಟ ಬತ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.