Last updated on May 21st, 2024 at 09:15 am
ಯಕ್ಷಧ್ರುವ ಪಟ್ಲ ಫೌಂಡೇಶನ್‌‌ರ್ದ್ ಕಂಬುಲ ದೇರುನಕ್ಲ್, ತೀರ್ಪುಗಾರೆರ್, ಮಾನಾವುನಕುಲು ಸೇರ್ದ್ 300 ಜನೊಕು ಧರ್ಮಾರ್ಥವಾದ್ ಇನ್ಶೂರೆನ್ಸ್ ಮನ್ಪಾವುನ ಯೋಜನೆದ ಅಟ್ಟನೆ ಆತ್ಂಡ್ ಪಂದ್ ಅವಿಭಜಿತ ಜಿಲ್ಲಾ ಕಂಬುಲ ಸಮಿತಿದ ಪ್ರಧಾನ ಕಾರ್ಯಂತೆರ್ ಲೋಕೇಶ್‌ ಶೆಟ್ರ್ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.
ದ.ಕ. ಜಿಲ್ಲಾ ಕಂಬುಲ ಸಮಿತಿ ಗುರ್ಕಾರೆ ಡಾ|ದೇವಿಪ್ರಸಾದ್ ಶೆಟ್ಟಿ ಬೆಳಪು ಬೊಕ್ಕ ಪದಾಧಿಕಾರಿಲೆನ ಬಿನ್ನಪುನು ಮನ್ನಿತ್‌ದ್ ಪಟ್ಲ ಫೌಂಡೇಶನ್‌ ಗುರ್ಕಾರೆ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಪದಾಧಿಕಾರಿಲು ಕಂಬುಲ ಕ್ಷೇತ್ರೊದಕುಲೆಗ್ ಧರ್ಮಾರ್ಥವಾದ್ ಇನ್ಶೂರೆನ್ಸ್ ಮನ್ಪಾವೆರೆ ಒತ್ತೊಂದಿತ್ತ್‌ದ್, ಕಂಬುಲದ ಎರ್ಲೆನ್ ಸಾಂಕಿನಕುಲು, ಗಿಡರುನಕುಲು ಅಂಚೆನೇ ಪರಿವಾರ ವರ್ಗೊದಕಲೆನ ಅಗತ್ಯೊನು ತೂದು ಧರ್ಮಾರ್ಥ ಇನ್ಶೂರೆನ್ಸ್‌ನ್ ಕನಪ. ಅಡ್ಯಾರ್‌ ಗಾರ್ಡನ್‌ಡ್ ಮೇ 26ಕ್ ನಡಪುನ “ಪಟ್ಲ ಸಂಭ್ರಮ- 2024′ ಲೇಸ್‌ಡ್ ಈ ಯೋಜನೆನ್ ಅನಾವರಣ ಮನ್ಪ ಪಂದ್ ಪಂಡೆರ್.
ಇನ್ಶೂರೆನ್ಸ್‌ದ ಪ್ರಯೋಜನ ಗೆತೊನೆರೆ ಆಸಕ್ತೆರ್ 2 ಫೋಟೋ, ಆಧಾರ್‌ ಕಾರ್ಡ್‌ ಕಾಪಿ, ನಾಮಿನಿನ ಆಧಾರ್‌ ಕಾರ್ಡ್‌ ಕಾಪಿ ಅಂಚೆನೇ 1 ಫೋಟೋದೊಟ್ಟುಗು ಜಿಲ್ಲಾ ಕಂಬುಲ ಸಮಿತಿದ ಪ್ರಧಾನ ಕಾರ್ಯಂತೆರ್ ಲೋಕೇಶ್‌ ಶೆಟ್ಟಿ ಬೊಊ ತೀರ್ಪುಗಾರೆರೆ ಸಂಚಾಲಕೆ ವಿಜಯ ಕುಮಾರ್‌ ಕಂಗಿನಮನೆ ಮೊಕಲೆಗ್ ಲೆಪ್ಪು ಕೊರೊಲಿ.
ಆ್ಯಕ್ಸಿಡೆಂಟ್‌ಡ್ ಜೂವ ಪೋದಿತ್ತ್ಂಡ 10 ಲಕ್ಷ ರೂ., ಅಂಗಾಂಗ ಹಾನಿಗೆ 2 ಲಕ್ಷ ರೂ. ಬೊಕ್ಕ ವೈದ್ಯಕೀಯ ಸರ್ಟಿಫಿಕೆಟ್‌ ಇತ್ತ್‌ದ್ ತಿಂಗೊಲುಗಟ್ಲೆ ಬೆನೆರಾವಂದಿನ ಪರಿಸ್ಥಿತಿ ಇತ್ತ್ಂಡ ತಿಂಗೊಲುಗು 1,000 ರೂ. ತಿಕ್ಕೆರೆಗುಂಡು ಪಂದ್ ಡಾ| ದೇವಿಪ್ರಸಾದ್ ಶೆಟ್ಟಿ ಬೆಳಪು ತೆರಿಪಾಯೆರ್.