Last updated on May 16th, 2024 at 12:02 pm
ಕಾರ್ಯಕರ್ತೆರೆ ದುನಿಪು ಆದ್ ವಿಧಾನ ಪರಿಷತ್ ಓಟುಗು ಪಕ್ಷೇತರ ಅಭ್ಯರ್ಥಿಯಾದ್ ಉಂತುದೆ ಪನ್ದ್ ಭಟ್ರ್ ಪನ್ಡೆರ್. ಗೆಂದಿಬೊಕ್ಕ ಯಾನಾದೇ ಬಿಜೆಪಿ ಕಛೇರಿಗ್ ಪೋಪೆ, ಸೋತುಂಡಲಾ ಬಿಜೆಪಿದ ಕಾರ್ಯಕರ್ತೆ ಆದ್ ಉಪ್ಪುವೆ.
2023ಟ್ಟ್ ವಿಧಾನಸಭೆತ ಟಿಕೆಟ್ ತತ್ತಿನಪಗ ಕಾಂಗ್ರೇಸ್ ಇಜಿಂಡ ಪಕ್ಷೇತರೊಟು ಉಂತರೆ ಒತ್ತಡ ಇತ್ತ್ಂಡ್. ಆಂಡಲ ಪಕ್ಷದ ಅಭ್ಯರ್ಥಿನ ಒಟ್ಟುಗು ಬೇಲೆ ಮಲ್ದೆ. ಯಾನ್ ಏರೆನ್ಲಾ ಸೋಪಾವರೆ ಉಂತೊಂದಿಜ್ಜಿ. ಜನಕ್ಲೆನ ಸೇವೆ ಮಲ್ಪರೆ ಜತ್ತೊಂದುಲ್ಲೆ. ಇಲ್ಲಡ್ ನಡತಿನ ಕೋಲೊಡು ದೈವಡ ಕೇನ್ನಗಲಾ ಯಾನ್ ಮಲ್ದಿನ ನಿರ್ದಾರ ಸಮ ಆದುಂಡು ಪನ್ಪಿನ ಅಭಯ ತಿಕ್ಕ್ಂಡ್ ಪನ್ದ್ ಪನ್ಡೆರ್.