Last updated on May 4th, 2024 at 02:51 pm
ಎಪ್ರೀಲ್ 18 ಗು ಆತೇ ಮದ್ಮೆ ಆದಿತ್ತಿನ ಜವನೆ ಒರಿ ತೆಡಿಲ್ ಆಕ್‌ದ್ ತೀರಿನ ನಡಕೆ ಕಡಬ ತಾಲೂಕುದ ಸುಬ್ರಹ್ಮಣ್ಯಡ್ ಮೇ 3ಕ್ಕ್ ಬಯ್ಯಗ್ ನಡದ್ಂಡ್. ಸುಬ್ರಹ್ಮಣ್ಯದ ದಿ.ಸಾಂತಪ್ಪ ಗೌಡೆರೆನ ಮಗೆ ಸೋಮಸುಂದರ್(34) ಮೇರ್ ತೀರಿನಾರ್.
ಬಯ್ಯಗ್ ಬರ್ಸ ಬರೊರ್ದು ದುಂಬು ತೆಡಿಲ್ ಗಾಳಿ ಇತ್ತ್ಂಡ್. ಅಂಚ ಇಲ್ಲದ ಜಾಲ್ ಡ್ ನುಂಗರೆ ಪಾಡ್ದಿತ್ತಿನ ಬಜ್ಜೈನ್ ರಾಶಿ ಪಾಡರೆ ಸೋಮಸುಂದರ್ ಪೋಯೆರ್. ಅಪಗ ಅರೆಗ್ ತೆಡಿಲ್ ಆಕ್ಂಡ್.
ಅರೆನ್ ಅಪಗನೇ ಕಡಬದ ಸಮುದಾಯ ಆಸ್ಪತ್ರೆಗ್ ಕೊನೊಂಡಲಾ, ಅರೆನ ಪಿರನ ಅಡೆಗ್ ಎತ್ತೊರ್ದು ದುಂಬೇ ಪೋದಿತ್ತ್ಂಡ್. ಮೇರ್ ಸುಬ್ರಹ್ಮಣ್ಯಡ್ ಕಾರ್ ವಾಶ್ ಮಲ್ಪುನ ಉದ್ಯಮ ಮಲ್ತೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.