Last updated on May 1st, 2024 at 04:35 pm
ಕಡಬ: ಗಾಡಿಗ್ ಮಲ್ದಿನ ಕಡನ್ ಪಿರ ಕಟ್ಟೆರಾವಂದೆ ಜೂವನೊಡು ಜಿಗುಪ್ಸೆ ಆದ್ ಕಡಬ ಬೆಳಂದೂರ್‌ದ ಪಟ್ಟೆ ನಿವಾಸಿ ರಾಜೇಶ್ ಕುಮಾರ್ ಪಿ(37) ಬಲ್ಲ್ ಪಾಡೊಂದೆರ್.
ರಾಜೇಶ್, ಇಲ್ಲದ ಕೊಟ್ಯದ ಅಡ್ಡೊಗು ನೈಲಾನ್ ಬಲ್ಲ್ ಪಾಡ್‌ದ್ ಆತ್ಮಹತ್ಯೆ ಮಲ್ತೊಂದಿನ ತೆರಿದ್ ಬೈದ್ಂಡ್. ಕೋಡೆ, ತೀರ್ದಿನ ರಾಜೇಶ್ ಕುಮಾರ್ ಕುದ್ಮಾರ್‌ಡುಪ್ಪುನ ತನ್ನ ಪಲಿನ ಇಲ್ಲಗ್ ಪೋದಿತ್ತ್‌ದ್ ಬಯ್ಯಡ್ ಪಿದ ಬತ್ತಿತ್ತೆರ್. ಪ್ಲಂಬಿಂಗ್ ಬೇಲೆ ಮಲ್ತೊಂದಿತ್ತಿನ ರಾಜೇಶ್ ಇಲ್ಲಡ್ ಒರಿಯೇ ಇಪ್ಪೆದೆರ್. ಇನಿ ಕಾಂಡೆ ಸಿದ್ಯಮ್ಮೆರೆನ ಮಗೆ ಧನಂಜಯ್ ರಾಜೇಶೆರೆಗೆಅ ಪೋನ್ ಮಲ್ತಿತ್ತ್‌ದ್, ರಾಜೇಶ್ ಆತ್ಮಹತ್ಯೆ ಮಲ್ತೊಂದಿನ ಇಸಯ ತೆರಿದ್ಂಡ್. ದಮ್ಮುದ ಸಮಸ್ಯೆ ಇತ್ತಿನರಾಜೇಶ್ ಟೂವೀಲರ್‌ಗ್ ಮಲ್ದಿನ ಕಡನ್ ಕಟ್ಟೆರಾವಂದೆ ಆತ್ಮಹತ್ಯೆ ಮತ್ತೊಂದುಪ್ಪೆರ್ ಪಂದ್ ಅಂದಾಜಿ ಮಲ್ದೆರ್. ಈ ಬಗೆಟ್ ಬೆಳ್ಳಾರೆ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.