Last updated on June 14th, 2024 at 08:58 am
ಜೂನ್ 10 ರ್ದ್ 13 ಮುಟ್ಟ ಬಾಗಲಕೋಟೆಡ್ ನಡತಿನ ಖೇಲೋ ಇಂಡಿಯಾ ವುಮೆನ್ಸ್ ವುಷು ಲೀಗ್ ಸೌತ್ ಝೋನ್ಡ್ ದಕ್ಷಿಣ ಕನ್ನಡ ವುಷು ಅಸೋಸಿಯೇಷನ್‌ದ ವಿದ್ಯಾರ್ಥಿನಿ ಕುಮಾರಿ ಆದ್ಯ ಕಿಶೋರ್ ಮೇರ್ ಸಬ್ ಜೂನಿಯರ್ ಪೊಣ್ಣು ಜೋಕುಲೆನ ವಿಭಾಗೊಡು ಪಾಲ್ ಪಡೆದ್ ಕಡೀರ ತಾನ ಗೆಂದ್‌ದ್ ನನ ಬರ್ಪಿನ ರಾಷ್ಟ್ರ ಮಟ್ಟೊದ ಪಂತೊಗು ಅಜತ್ ಬೈದೆರ್. ಮೇರ್ ಕುಡ್ಲದ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ & ಮಾರ್ಷಲ್ ಅರ್ಟ್ಸ್‌ದ ವಿದ್ಯಾರ್ಥಿಯಾದಿತ್ತ್‌ದ್ ಸಂಸ್ಥೆದ ಮುಖ್ಯ ಶಿಕ್ಷಕೆ ನಿತಿನ್ ಎನ್ ಸುವರ್ಣೆರೆಡ ತರಬೇತಿ ಗೆತೊನೊಂದುಲ್ಲೆರ್. ಕೇಂದ್ರೀಯ ವಿದ್ಯಾಲಯ ಪಣಂಬೂರು ಮುಲ್ಪ 6 ನೇ ಕ್ಲಾಸ್‌ಡ್ ಕಲ್ತೊಂದುಪ್ಪುನ ಆದ್ಯ, ತೊರ್ತಲ್ ಆಗರಾಮೇಲ್ ನಿವಾಸಿ ಶೀಮತಿ ಸ್ಮಿತಾ ಬೊಕ್ಕ ಭಾರತೀಯ ಸೇನೆಡ್ ಸೈನಿಕೆ ಆದುಪ್ಪುನ ಶ್ರೀ ಕಿಶೋರ್ ದಂಪತಿಲೆನ ಮಗಲ್.