ಜಮ್ಮು-ಕಾಶ್ಮೀರ: ರಿಯಾಸಿಡ್ ನಡತಿನ ಉಗ್ರೆರೆ ದಾಳಿದ ಪಿರವು ಉಂಡು ಪಾಕಿಸ್ತಾನೊದ ಈ ಭಯೋತ್ಪಾದಕ ಕೂಟೊದ ಕೈ

Last updated on June 10th, 2024 at 02:30 pm

ಜಮ್ಮು ಬೊಕ್ಕ ಕಾಶ್ಮೀರ(Jammu and Kashmir)ದ ರಿಯಾಸಿಡ್ ಐತಾರ ಯಾತ್ರಾರ್ಥಿಲು ಇತ್ತಿನ  ಬಸ್‌ದ ಮಿತ್ತ್ ನಡತಿನ ಉಗ್ರೆರೆ ದಾಳಿ(Terror Attack)ದ ಪಿಲವು ಪಾಕಿಸ್ತಾನೊದ ಎಲ್ಇಟಿ(LeT) ಭಯೋತ್ಪಾದಕ ಕೂಪೆದ ಕೈ ಉಂಡು ಪನ್ಪಿ ಒಲವು ತಿಕ್ಕ್‌ದ್ಂಡ್. ರಿಯಾಸಿಡ್ ಬಸ್‌ದ ಮಿತ್ತ್ ಉಗ್ರೆರ್ 30-40 ಸುತ್ತುದ ಗುಂಡುದ ದಾಳಿ ಮಲ್ತಿತ್ತೆರ್. ಆ ದಾಳಿಡ್ ಒಂಜಿ ಗುಂಡು ಬಸ್ ಡ್ರೈವರ್‌ಗೊ ಕೊಲ್ತಿನೆರ್ದಾವರ ಬಸ್ ಅಂಕೆ ತತ್ತ್‌ದ್ ನೇಲ್ಯ ಗುರಿಗ್ ಬೂರ್ದ್ 10 ಜನ ತೀರ್ದೆರ್.

ಬಸ್‌ಡ್ 30-40 ಜನ ಇತ್ತೆರ್ ಪನ್ಪಿನ ಒಲವು ತಿಕ್ಕ್‌ದ್ಂಡ್. ಸುಮಾರ್ 12 ಜನ ಉಗ್ರೆರ್ ರಡ್ಡೆರ್ದ್ ಮೂಜಿ ಕೂಟೊಲಾದ್ ಜಮ್ಮು ಬೊಕ್ಕ ಕಾಶ್ಮೀರೊದ ಕಾಡ್‌ಡೆ ಪೋವೊಂದುಲ್ಲೆರ್ ಪಂದ್‌ಲಾ ಸುದ್ದಿ ತಿಕ್ಕ್‌ದ್ಂಡ್. ಅಂಚಾದ್ ಡ್ರೋನ್ ವ್ಯವಸ್ಥೆ ಮಲ್ತಿತ್ತ್‌ದ್, ಕಾಡ್‌ದ ಮಿತ್ತ್ ಬಾರೀ ಜಾಕಿನಡ್ ನಿಗಾ ದೀತೆರ್.

ಕರಿನ ಐನ್ ವರ್ಸೊಡು ಪೂಂಚ್ ಅಂಚೆನೇ ರಜೌರಿಡ್ ಇಂಚಿನ ಪಾಕ ಗುಂಡುದ ದಾಳಿಲು ನಡತ್‌ದ.
ಜೂನ್ 29ರ್ದ್ ಅಮರನಾಥ ಯಾತ್ರೆ ಸುರು ಆವೊಂದಿತ್ತ್‌ದ್, ಈ ಬಗೆಟ್ ಗೃಹ ಸಚಿವೆ ಅಮಿತ್ ಶಾ ಈ ದಾಳಿನ್ ಗಾತಿಡ್ ಗೆತೊಂದೆರ್.

ಭಾರತ ರಿಯಾಸಿಡ್ ನಡತಿನ ಉಗ್ರೆರೆ ದಾಳಿಗ್ ಪ್ರತೀಕಾರ ಗೆತೊನುಂಡು. ಈ ಪಾಕಿಸ್ತಾನಿ ಕೂಪೆನ್ ಸೈಲೆಂಟ್ ಮನ್ಪೆರ ಜಮ್ಮು ಬೊಕ್ಕ ಕಾಶ್ಮೀರ ಪೋಲೀಸ್, ಅರೆ-ಮಿಲಿಟರಿ ಪಡೆಕುಲು ಅಂಚೆನೇ ಭಾರತೀಯ ಸೇನೆ ಕ್ರಿಯಾಶೀಲವಾದ್ ಬೆನೊಂದುಲ್ಲೆರ್.

ಬಸ್‌ದ ಸುತ್ತದ ಫೋಟೋಲೆನ್ ತೂನಗ ಪೋಡಿಗೆ ಆಪುಂಡು. ತಾರಾಮರ ಅಲ್ಪಲ್ಪ ಪುನಕುಲು ಬೂರ್ದಿನವು ತೋಜುಂಡು. ಅವೆಟ್ ಕೆಲವು ಜೋಕುಲೆನ ಪುನೊಕುಲ್ಲಾ ಉಲ್ಲ. ಪೌನಿ ಬೊಕ್ಕ ರಾನ್ಸು ನಡುತ ಚಂಡಿ ಮೋಡ್‌ಡ್ ಉಪ್ಪುನ ದರ್ಗಾದಲ್ಪ ಭಯೋತ್ಪಾದಕೆರ್ ಫೈರಿಂಗ್ ಮಲ್ದೆರ್ ಪಂದ್ ತೆರಿದ್ಂಡ್.

ಬಸ್‌‌ಡ್ ಪೋವೊಂದಿತ್ತಿನ ಯಾತ್ರಾರ್ಥಿಲು ಉತ್ತರ ಪ್ರದೇಶ, ದೆಲ್ಲಿ ಬೊಕ್ಕ ರಾಜಸ್ಥಾನೊರ್ದು ಬೈದಿನಕುಲು. ಪೆಟ್ಟಾತಿನ ಪ್ರಯಾಣಿಕೆರೆನ್ ಜಿಲ್ಲಾ ಆಸ್ಪತ್ರೆ ರಿಯಾಸಿ, ನಾರಾಯಣ ಆಸ್ಪತ್ರೆ, ಕತ್ರಾ ಬೊಊ ಸರ್ಕಾರಿ ವೈದ್ಯಕೀಯ ಕಾಲೇಜು, ಜಮ್ಮುಗ್ ಕಡಪುಡ್ದೆರ್.