Last updated on June 7th, 2024 at 04:47 pm
ಕಡಬ: ಸರ್ಕಾರಿ ಶಾಲೆದ ಸಹಶಿಕ್ಷಕೆ ಒರಿ ಆಕಿನ ಬರಸ್‌ಗ್ ಶಾಲೆದ ಆಣನ ತರೆ ಬರಿಟಿತ್ತಿನ ಕಪಾಟ್‌ಗ್ ಕೊಲ್ತ್‌ದ್ ಗಡಿ ಆದ್ ಆಸ್ಪತ್ರೆಗ್ ದಾಕಲಾತಿನ ನಡಕೆ ಜೂ.6 ತಾನಿ ಕಡಬರ್ದ್ ವರದಿಯಾತ್ಂಡ್.
ಕಡಬ ಮುಟ್ಟದ ಪಿಜಕ್ಕಳ ಸರ್ಕಾರಿ ಶಾಲೆದ ಐನನೇ ಕ್ಲಾಸ್‌ದ ವಿದ್ಯಾರ್ಥಿ ಆಸ್ಪತ್ರೆಗ್ ದಾಕಲಾತಿನಾಯೆ.
ತಾನ್ ಕುಲ್ಲುನ ಕುರ್ಚಿಡ್ ಕುಂಟು ಇತ್ತಿನೆನ್ ತೂದು ಶಿಕ್ಷಕೆ ಈ ವಿದ್ಯಾರ್ಥಿಯೇ ದೀತೆ ಪಂದ್ ಎನ್ನ್‌ದ್ ಬೆರಿಕ್ ಆಕ್‌ದೆರ್ ಪಂದ್ ಪನೊಂದುಲ್ಲೆರ್. ಪೆಟ್ಟ್‌ದ ಬರಸ್‌ಗ್ ಆಣನ ಮಂಡೆ ಬರಿಟಿತ್ತಿನ ಕಪಾಟ್‌ಗ್ ಕೊಲ್ತ್‌ದ್ ತರೆತ ಎದುರುಮೆಯಿಟ್ ಗಡಿಯಾತ್ಂಡ್.
ಆಣನ ಅಪ್ಪೆ-ಅಮ್ಮೆ ಶಾಲಾಭಿವೃದ್ಧಿ ಸಮಿತಿದ ಗೇನೊಗು ಕನತ್‌ದ್ ಬೊಕ್ಕ ಕಡಬ ಸಮುದಾಯ ಆಸ್ಪತ್ರೆಗ್ ದಾಕಲ್ತ್‌ದೆರ್ ಪಂದ್ ತೆರಿದ್ ಬೈದ್ಂಡ್.
ಈ ನಡಕೆದ ಬಗೆಟ್ ಜೋಕುಲೆನ ಸಹಾಯವಾಣಿಗ್ ಒಲವು ಕಡಪುಡ್ದ್ಂಡ್. ಪೊಲೀಸೆರೆಗ್ಲಾ ಒಲವು ಕೊರ್ದಿತ್ತ್‌ದ್ ಪರಿಶೀಲನೆ ಆಯಿಬೊಕ್ಕ ಕಾನೂನು ಪ್ರಕ್ರಿಯೆ ಗೆತೊನುವೆರ್ಮಾ ಪನ್ಪಿ ಒಲವು ತಿಕ್ಕ್‌ದ್ಂಡ್. ಪೊಲೀಸೆರೆ ವಿಚಾರಣೆರ್ದ್ ಬೊಕ್ಕ ವಾಸ್ತವ ಸಂಗತಿ ತೆರಿಯೊಡಾತೆ.