Last updated on June 27th, 2024 at 07:24 pm
ಬೊಲ್ತೇರ್ : ಸ್ಟೇ ವಯರ್‌ಡ್ ಬತ್ತಿನ ಕರೆಂಟ್ ತಾಗ್‌ದ್ ಜವನ್ದಿ ಒರ್ತಿ ತೀರ್ದಿನ ನಡಕೆ ಬೊಲ್ತೇರ್ ತಾಲೂಕ್‌ದ ಶಿಬಾಜೆ ಗ್ರಾಮೊದ ಬರ್ಗುಲಾ ಪನ್ಪಿನವುಲು ಇನಿ, ಜೂನ್ 27 ಗುರುವಾರ ಬಯ್ಯಡ್ ನಢತ್‌ದ್ಂಡ್. ಗಣೇಶ್ ಶೆಟ್ಟಿ ಬೊಕ್ಕ ರೋಹಿಣಿ ದಂಪತಿಲೆನ ಮಗಲ್ ಪ್ರತೀಕ್ಷಾ ಶೆಟ್ಟಿ (20) ತೀರ್ದಿನಾರ್.
ಇಲ್ಲದ ಸಾದಿದಡೆ ಪಾರ್ಸೆಲ್ ಬತ್ತಿತ್ತಿನೆರ್ದಾವರ ಅವೆನ್ ಗೆತೊನೆರ ಸಾದಿದಡೆ ಬನ್ನಗ ನೀರ್‌ಡಿತ್ತಿನ ಸ್ಟೇ ವಯರ್ ತಾಗ್‌ದ್ ಜವನ್ದಿ ತೀರ್ದೆರ್. ತೀರ್ದಿನ ಪೊಣ್ಣು ಕೊಕ್ಕಡ ಮೆಡಿಕಲ್ ಶಾಪ್‌ಡ್ ಬೇಲೆ ಮಲ್ತೊಂದಿತ್ತೆರ್. ಜೂವ ಪೋತಿ ಸರ್ರೊನು ಬೊಲ್ತೇರ್ ಸರಕಾರಿ ಆಸ್ಪತ್ರೆಡ್ ದೀತೆರ್. ಆಸ್ಪತ್ರೆಗ್ ಬೊಲ್ತೇರ್ ತಹಶೀಲ್ದಾ‌ರ್ ಪೃಥ್ವಿ ಸಾನಿಕಂ ಬತ್ತ್‌ದೆರ್. ಧರ್ಮಸ್ಥಳ ಪೊಲೀಸ್ ಸ್ಟೇಷನ್ ಸೀಮೆಡ್ ನಡಕೆ ನಡತ್‌ದ್ಂಡ್.
