Last updated on June 28th, 2024 at 10:23 am
ತಂತ್ರಜ್ಞಾನೊದ ಕ್ಷೇತ್ರೊಡು ಮಲ್ಲಣ್ಣೆ ಪಂದೇ ಪುದರಾತಿನ ಗೂಗಲ್ ಇಸ್ವೊದ ಬಾಸೆಲೆಗ್ ತನ್ನನೇ ಆಯಿನ ಓಪನ್ ಸೋರ್ಸ್ (Open Source) ಟ್ರಾನ್ಸ್‌ಲೇಟ್ ಸೇವೆನ್ ಕೊರ್ಪುಂಡು. ಈತ್‌ನೇಟ 243 ಬಾಸೆಲೆಗ್ ತರ್ಜುಮೆ(ಭಾಷಾಂತರ) ಸೇವೆ ಕೊರೊಂದಿತ್ತಿನ ಗೂಗಲ್ ತನ್ನ ಕೋಡೆದ ಅಪ್‌ಡೇಟ್‌ಡ್ 110 ಬಾಸೆಲೆಗ್ ಗೂಗಲ್ ಟ್ರಾನ್ಸ್‌ಲೇಟ್ ಸೇವೆದ ಬಾಕಿಲ್ ದೆಪ್ಪುನೆನ್ ತೆರಿಪಾದ್ಂಡ್. ಈ 110 ಬಾಸೆಲೆಡ್ ನಮ್ಮ ತುಳುಲಾ ಒಂಜಿ.
ತುಳುಕು ಒಂಜಿ ರಡ್ಡ್ ಎಲ್ಯ ಮಟ್ಟ್‌ದ ಟ್ರಾನ್ಸ್‌ಲೇಟರ್‌‌ನ್ ಕೆಲ ಉಮೇದ್‌ದ ತುಳುವೆರ್ ಕಟ್ಟ್‌ದಿತ್ತೆರ್ಂಡಲಾ (TuluAI) ಅವು ಒಂಜಾತ್ ಶಬ್ದೊಲೆಗ್ ಸೀಮಿತಾದಿತ್ತ್ಂಡ್. ಟ್ರಾನ್ಸ್‌ಲೇಟರ್ ವೆವಸ್ತೆನ್ ಕಟ್ಟುನ ದಾಲ ಸುಲಭೊದ ಬೇಲೆ ಅತ್ತ್. ಇತ್ತೆ ಗೂಗಲ್ ಈ ಸೇವೆಗ್ ಜತ್ತಿನವು ತುಳು ಬಾಸೆದ ಬುಲೆಚ್ಚಿಲ್‌ಗ್ ಒಂಜಿ ಮಾಮಲ್ಲ ಪಜ್ಜೆ ಆವರೆಗುಂಡು.
ಇತ್ತೆ ತುಳು ಲಿಪಿಕ್ ಯೂನಿಕೋಡ್ ಇಜ್ಜಂದಿನೆರ್ದಾವರ ಗೂಗಲ್ ಕನ್ನಡ ಲಿಪಿಟ್ ತುಳುತ ಟ್ರಾನ್ಸ್‌ಲೇಷನ್ ಕೊರೊಂದುಂಡು.
ತುಳುತ ಒಟ್ಟುಗು ಭಾರತೊದ ಬೇತೆ ಬಾಸೆಲಾಯಿನ ಅವಧಿ, ಖಾಸಿ, ಮಾರ್ವಾಡಿ, ಪಂಜಾಬಿ ಬಾಸೆಲೆಗ್ ಗೂಗಲ್ ಟ್ರಾನ್ಸ್‌ಲೇಟ್ ಸೇವೆನ್ ಸುರು ಮಲ್ದ್ಂಡ್.
ಟ್ರಾನ್ಸ್‌ಲೇಟರ್ ಲಿಂಕ್: https://translate.google.co.in/?sl=en&tl=tcy&op=translate