Last updated on June 3rd, 2024 at 07:54 pm
ಒರಿ ಸಾಮಾನ್ಯ ಕಾರ್ಯಕರ್ತೆ ಆದ್ 2009ಗು ಸುರುತ ಸಲ ಸಂಸದೆ ಆದ್ ಅಜತ್ ಬತ್ತಿನ ಯಾನ್, ಮೂಜನೇ ಸಲ ಎಂಪಿ ಆದ್, ರಾಜ್ಯ ಬಿಜೆಪಿದ ಅಧ್ಯಕ್ಷೆಯಾದ್ ಪಾಕ ಜವಬ್ದಾರಿಲೆನ್ ನಡಪಾವೊಂದು ಬತ್ತೆ. 2009ಡು ಎನ್ನ ಸುರುತ ಅವಧಿಡ್ ಶಿರಾಡಿ ಘಾಟ್, ರಾಷ್ಟ್ರೀಯ ಪೆರ್ಸಾದಿದಂಚಿನ ಸಮಸ್ಯೆಲೆಗ್ ಪರಿಹಾರ ತಿಕ್ಕ್ ದ್ಂಡ್ ಪನ್ದ್ ನಳೀನ್ ಕುಮಾರ್ ಕಟೀಲ್ ಪನ್ಡೆರ್.
ಜೂನ್ 3ಕ್ಕ್ ಪತ್ರಿಕಾಘೋಷ್ಟಿಡ್ ಪಾತೆರಿನ ಮೇರ್, ಎನ್ನ ಅಧಿಕಾರವಧಿಡ್ ಕುಡ್ಲ ಜಿಲ್ಲೆಗ್ 1.8 ಲಕ್ಷ ಕೋಟಿದ ಯೋಜನೆಲೆಗ್ ಅನುಮೋದನೆ ತಿಕ್ಕ್ದ್ಂಡ್. ಅವೆಟ್ 80 ಸಾರ ಕೋಟಿದಾತ್ ಪನವುದ ಯೋಜನೆಲ್ ಪೂರ್ಣ ಆತ್ಂಡ್. ಪಾರ್ಟಿ ಎಂಕ್ ಮಸ್ತ್ ಜಬದಾರಿಲೆನ್ ಕೊರ್ತುಂಡು. ಪಾರ್ಟಿ ಎಂಚ ಪನ್ತ್ಂಡಾ ಅಂಚ ನಡತೊಂದೆ, ಅಂಚಾದ್ ಪಾರ್ಟಿ ಈ ಸಲ ಅಭ್ಯರ್ಥಿ ಪಗಪೊಡು ಪನ್ನಗ ಅವೆಕ್ಲಾ ಒತ್ತೊನ್ದೆ ಪನ್ದ್ ಪನ್ಡೆರ್.