Last updated on June 14th, 2024 at 10:04 am
ಮಣಿಪಾಲ ಪೈ ಕುಟುಮೊದ ರಾಜ್‌ ಪೈ (ರಜನೇಶ್‌ ಪೈ) ಮೇರ್ ಅಮೆರಿಕದ ಪ್ರತಿಷ್ಠಿತ ಗೂಗಲ್‌ ಕ್ಲೌಡ್ ಸಂಸ್ಥೆದ ಉಪಾಧ್ಯಕ್ಷೆ (Vice President ) ಆದ್ ನೇಮಕ ಆತೆರ್.
ರಾಜ್‌ ಪೈ ಮೇರ್ ಕ್ಲೌಡ್ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ (ಎಐ) ಕೂಟೊದ ಆಪುಪೋಪುಲೆನ್ ತೂವೊನುವೆರ್. ಗೂಗಲ್‌ ಸಂಸ್ಥೆ ಕ್ಲೌಡ್ ವೈವಾಟ್‌ಗ್ ಎಚ್ಚಿನ ಪ್ರಾಶಸ್ತ್ಯ ಕೊರೊಂದುಪ್ಪುನವು ಈ ನೇಮಕಾತಿ ತೋಜಾವೊಂದುಂಡು.
ಪೈ ಮೇರ್ ಅಮೆಜಾನ್‌, ಸಿಯಾಟಲ್‌ರ್ದ್ ಈ ಜಬದರಿಗ್ ಬೈದೆರ್. ಮೇರ್ ಅಮೆಜಾನ್‌ ಎಡಬ್ಲ್ಯುಎಸ್‌ ಉಪಾಧ್ಯಕ್ಷೆರಾದಿತ್ತೆರ್. ಮೇರ್ ಅಮೆಜಾನ್‌ ಸಂಸ್ಥೆಡ್ ಸುರುಟು ಡೈರೆಕ್ಟರ್ ಆದ್ (ಪ್ರೊಡಕ್ಷನ್ಸ್ ಮ್ಯಾನೇಜ್‌ಮೆಂಟ್, ಅಮೆಜಾನ್‌ ಎಲಾಸ್ಟಿಕ್‌ ಕಂಪ್ಯೂಟ್‌ ಕ್ಲೌಡ್- ಇಸಿ 2) ಡ್ ಬೇಲೆ ಮಲ್ದೆರ್.
ಉಂದೆಕ್ ದುಂಬು ಮೈಕ್ರೋಸಾಫ್ಟ್, ಸಿಯಾಟಲ್‌ಡ್ 15 ವರ್ಷ ಹಾಟ್‌ಮೇಲ್‌, ವಿಜುವಲ್‌ ಸ್ಟುಡಿಯೋ, ವಿಂಡೋಸ್‌ 8 ಡೆವಲಪರ್‌ ಟೂಲ್ಸ್‌ ಇಂಚ ಬೇತೆ ಜವನೆರೆಗ್ ಕೂಟೊಲೆನ್ ನಡಪಾವೊಂದು ಪೋತೆರ್. ಕಡೆಕ್ ಆಫೀಸ್‌ 365 ಎಕ್ಸ್‌ ಚೇಂಜ್‌ ಎಂಟರ್‌ಪ್ರೈಸ್‌ ಕ್ಲೌಡ್‌ದ ಗ್ರೂಪ್‌ ಪ್ರೊಗ್ರಾಂ ಮ್ಯಾನೇಜರ್‌ ಆದಿತ್ತೆರ್. ರಾಜ್‌ ಪೈ ಮೈಕ್ರೋಸಾಫ್ಟ್‌ದ ಬಿಲ್‌ ಗೇಟ್ಸ್‌ ಬೊಕ್ಕ ಅಮೆಜಾನ್‌ದ ಜೆಫ್ ಬೆಜೋಸ್‌ ಮೊಕಲೆಡ ಮುಟ್ಟ ಇತ್ತಿನಾರ್.
ರಾಜ್‌ ಪೈ ಮೇರ್ ಸ್ಟಾನ್‌ಫೋರ್ಡ್‌ ವಿ.ವಿ.ರ್ದ್ ಕಂಪ್ಯೂಟರ್‌ ವಿಜ್ಞಾನೊಡು ಬ್ಯಾಚ್ಯುಲರ್ಸ್ ಪದವಿ ಗೆತೊಂದೆರ್. ಮೇರ್ ಮಣಿಪಾಲ ಕೆಎಂಸಿಡ್ ವಿಶೇಷ ಗೌರವೊಗು ಪಾತ್ರೆರಾದಿತ್ತ್‌ದ್, ಕೆಎಂಸಿದ ಸುರೂಟು ಅನಾಟಮಿ ಪ್ರಾಧ್ಯಾಪಕೆರಾದಿತ್ತಿನ ದಿ| ಡಾ| ಟಿ. ಉಮೇಶರಾಯ ಪೈ ಬೊಕ್ಕ ನಳಿನಿ ಪೈ ದಂಪತಿಲೆನ ಮಗೆ. ರಾಜ್‌ ಬೊಕ್ಕ ಬೊಡೆದಿ ಕ್ರಿಸ್ಟಾ ಗ್ ಗೆವಿನ್‌, ಡಿಲಾನ್‌, ಸರಿನಾ ಪುದರ್‌ದ ಮೂಜಿ ಜೋಕುಲು ಉಲ್ಲೆರ್.