Last updated on June 9th, 2024 at 07:51 pm
2014ಟ್ಟ್ ಗುಜರಾತ್‌ದ ಮುಖ್ಯಮಂತ್ರಿಯಾದಿತ್ತಿನ ನರೇಂದ್ರ ಮೋದಿ ಮೇರ್ ಸುರುತ ಸಲ ಭಾರತದ ಪ್ರಧಾನಿಯಾದ್ ಪ್ರಮಾಣ ವಚನ ದೆತೊನ್ದಿತ್ತೆರ್, ಇನಿ ಮೂಜನೇ ಸಲ ಭಾರತದ ಪ್ರಧಾನಿಯಾದ್ NDA ನೇತೃತ್ವದ ಸರಕಾರದ ಮುಖ್ಯಸ್ಥೆಯಾದ್ ಪ್ರಮಾಣವಚನ ದೆತೊನ್ಡೆರ್.
ಅಭಿವೃದ್ದಿದ ತಾದಿಡ್ ಬೀಸೊಡು ಬಲಿತೊಂದಿಪ್ಪುನ ನಮ್ಮ ದೇಶೊಡು ಮಸ್ತ್ ಪಗತೆಲೆನ್ ಕನತಿನ ಮೋದಿಜಿ ಕರಿನ 10 ವರ್ಸೊಡು ಸ್ಥಿರ ಆಡಳಿತ ಕೊರ್ತೆರ್. ಇತ್ತೆ ಮೂಜನೇ ಸಲ ತನ್ನ ಅಧಿಕಾರವಧಿಡ್ ನನಲಾತ್ ಯೋಜನೆಲು ಬರ್ರೆ ಉಲ್ಲ ಪನ್ದ್ ಆರ್ ತೆರಿಪಾದೆರ್.
Article 370 ರದ್ದ್ ಮಲ್ಪುನು, ಮೇಕ್ ಇನ್ ಇಂಡಿಯಾ, ವಂದೇ ಭಾರತ್ ಟ್ರೈನ್, ಟ್ರಿಪಲ್ ತಲಾಖ್ ನಿಷೇಧ ಇಂಚಿನ ಐತಿಹಾಸಿಕ ನಿರ್ಣಯೊಲು ಅಂಚೆನೆ ರಾಮ ಮಂದಿರ ನಿರ್ಮಾಣ, ಕಾಶಿ ಕಾರಿಡಾರ್ ಬುಲೆಚ್ಚಿಲ್, ಗಂಗಾ ಶುದ್ದೀಕರಣದಂಚಿನ ಯೋಜನೆಲು ಮಸ್ತ್ ಪುಗಾರ್ತೆ ಪಡೆದ್ಂಡ್. ಭಾರತದ ವಿದೇಶಾಂಗ ನೀತಿ ಬೊಕ್ಕ ಕೋವಿಡ್ ಸಮಯೊಡು ಭಾರತೊನು ತೂವೊನಿನ ರೀತಿಗ್ ವಿಶ್ವನೇ ಪುಗಾರ್ದ್ಂಡ್.
2047ನೇ ಇಸವಿಡ್ ಭಾರತ ಸ್ವಾತಂತ್ರ್ಯದ ನೂದನೇ ವರ್ಸ ಆಚರಿಪುನ ಪೊರ್ತುಡು ಭಾರತೊನು ಸಂಪೂರ್ಣ ಅಭಿವೃದ್ದಿದ ಪತೊಡು ಕೊನೊಡು ಪನ್ಪಿನ ಉಮೇದ್ ಡ್ ಮೋದಿ ಮೇರ್ ಮೂಜನೇ ಸಲ ಪ್ರಧಾನಿಯಾವರೆ ಪಜ್ಜೆ ದೀತೆರ್. ಈ ಪೊರ್ತುಡು ಪಿದಯೂರುದ ದೇಶೊಲೆನ ಗುರ್ಕಾರ್ಲು ಅಂಚೆನೆ ಎನ್ ಡಿ ಎ ಕೂಟದ ಮಾತಾ ನಾಯಕೆರ್ ಇತ್ತೆರ್.