Last updated on June 16th, 2024 at 10:12 am
ಸಾಧನೆಜೂನ್ 10 ರ್ದ್ 14 ಮುಟ್ಟ ಪಡ್ಡಾಯಿ ಬಂಗಾಲೊದ ಸಿಲಿಗುರಿಟ್ ನಡತಿನ ಭಾರತ ಸರ್ಕಾರ ಬೊಕ್ಕ ಭಾರತೀಯ ಕ್ರೀಡಾ ಪ್ರಾಧಿಕಾರೊರ್ದು ಮಾನಾದಿಗೆ ಪಡೆತಿನ ವಾಕೋ ಇಂಡಿಯಾ ಕಿಕ್ ಬಾಕ್ಸಿಂಗ್ ಫೇಡರೆಷನ್ ಉಂದೆತ ರಾಷ್ಟ್ರ ಮಟ್ಟೊದ ಕಿಕ್ ಬಾಕ್ಸಿಂಗ್ ಚಾಂಪಿಯನ್ ಶಿಪ್‌ಡ್ ಕುಡ್ಲದ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಬೊಕ್ಕ ಮಾರ್ಷಲ್ ಅರ್ಟ್ಸ್‌ದ ವಿದ್ಯಾರ್ಥಿಲಾಯಿನ ಅವ್ನಿ ಎನ್ ಮುಡಿಪು ಬೊಕ್ಕ ಅನ್ಶೀ ಎನ್ ಮುಡಿಪು ಮೊಕುಲು ಕ್ರಮವಾದ್ -50 ಬೊಕ್ಕ – 55 ಪೊಣ್ಣು ಜೋಕುಲೆನ ನಾಲ್ ವಿಭಾಗೊಲೆಡ್ ಕರ್ನಾಟಕ ರಾಜ್ಯೊನು ಪ್ರತಿನಿಧಿತ್‌ದ್ ಅನ್ಶೀ 4 ಬಂಗಾರೊದ ಪದಕ ಅಂಚೆನೇ ಅವ್ನಿ 2 ಬಂಗಾರ್ ಬೊಕ್ಕ 2 ಕಂಚಿದ ಪದಕ ಗೆಂದ್‌ದ್ ಸಾಧಗೊ ಮಲ್ದೆರ್. ಮೊಕುಲು ಸಂಸ್ಥೆದ ಮುಖ್ಯ ಶಿಕ್ಷಕೆ ನಿತಿನ್. ಎನ್ ಸುವರ್ಣ ಮೆರೆಡ ತರಬೇತಿ ಗೆತೊನೊಂದುಲ್ಲೆರ್. ಮೊಕುಲು ಎಂ‌ಆರ್‌ಪಿಎಲ್‌ಡ್ ಸೀನಿಯರ್ ಮ್ಯಾನೇಜರ್ ಆದುಪ್ಪುನ ನಿರಂಜನ್ ಮುಡಿಪು ಬೊಕ್ಕ ಸ್ವರ್ಣ ಮೊಕಲ್ನ ಅಮರ್ ಜೋಕುಲು. ಕೆನರಾ ಪದವಿ ಪೂರ್ವ ಕಾಲೇಜ್‌ದ ದ್ವಿತೀಯ PUC ವಿದ್ಯಾರ್ಥಿಲಾದುಲ್ಲೆರ್.