Last updated on June 13th, 2024 at 10:55 am
ಕುವೈತ್‌ದ ಮಲ್ಲಮಾಲಿಗೆದ ಕಟ್ವಾನೊಡು ಬುದಾರ ಕಾಂಡೆ ಉಂಡಾಯಿನ ಭೀಕರ ಅಗ್ನಿ ದುರಂತೊಡು ಕಾಸ್ರೋಡ್ ಮೂಲೊದ ಇರ್ವೆರ್ ತೀರ್ದಿನ ಬಗೆಟ್ ವರದಿಯಾತ್ಂಡ್.
ಚೆರ್ಕಳ ಕುಂಡಡ್ಕದ ರಂಜಿತ್ (34) ಅಂಚೆನೇ ತೃಕ್ಕರಿಪುರ ಎಳಂಬಚ್ಚಿದ ಪಿ. ಕುಂಞ ಕೇಳು (55) ತೀರ್ದಿನಕುಲು ಪಂದ್ ತೆರಿದ್ ಬೈದ್ಂಡ್. ರಂಜಿತ್ ಕರಿನ ಎಣ್ಮ ವರ್ಸೊರ್ದಿಂಚಿ ಕುವೈತ್‌ಡ್ ಬೇಲೆಡಿತ್ತೆರ್. ಒಂಜಿ ವರ್ಸೊಗು ದುಂಬು ಊರ್‌ಗ್ ಬತ್ತಿತ್ತೆರ್.
ಚೆರ್ಕಳ – ಕುಂಡಡ್ಕದ ರವೀಂದ್ರ – ರಮಣಿ ದಂಪತಿಲೆನ ಮಗೆ ಪಿ. ಕುಂಞ ಕೇಳು ಕುವೈತ್‌ದ ಎನ್.ಬಿ.ಟಿ.ಸಿ ಕಂಪೆನಿಡ್ ಪ್ರೊಡಕ್ಷನ್ ಇಂಜಿನಿಯರ್ ಆದ್ ಬೆನೊಂದಿತ್ತೆರ್. ದುರಂತೊಡು ಕಾಸ್ರೋಡ್‌ದ ಕೆಲ ಜನೊಕು ಗಡಿಕುಲಾತ ಪಂದ್ ಮೂಲೊಲು ತೆರಿಪಾದ. ಈ ದುರಂತೊಡು ಕೇರಳ ಮೂಲೊದ 11 ಜನ ಸೇರ್ದ್, 40 ಭಾರತೀಯೆರ್ ತೀರ್ದೆರ್.