ಓಟುದ ಲೆಕ್ಕ : ಮೂಜಿ ಹಂತೊಡು ಜಡ್ತೆ

Last updated on June 1st, 2024 at 08:59 am

ಕುಡ್ಲ ಲೋಕಸಭಾ ಕ್ಷೇತ್ರದ ಓಟುದ ಲೆಕ್ಕ ತೊರತ್ತಲ್ ದ ಎನ್ಐಟಿಕೆಡ್ ನಡಪರೆ ಉಂಡು. ಮಲ್ಲ ಭದ್ರತೆಡ್ ಜೂನ್ 4ಕ್ಕ್ ಓಟುದ ಲೆಕ್ಕ ನಡಪರೆ ಉಂಡು. ಈ ದಿಸೆಟ್ ಪತ್ರಿಕಾಘೋಷ್ಟಿ ಮಲ್ತಿನ ಜಿಲ್ಲಾಧಿಕಾರಿಲು ಓಟುದ ಲೆಕ್ಕದ ಬಗೆಟ್ ತೆರಿಪಾಯೆರ್.

ಎನ್‌ಐಟಿಕೆದ ಭದ್ರತಾ ಅದೆಟ್ ದೀತಿನ ಮತಯಂತ್ರೊಲೆನ್ ಕಾಂಡೆ 6ರ್ದ್ 7ತ್ತ ಪೊರ್ತುಗು ಓಪನ್ ಮಲ್ಪುಂಡು, ಕಾಂಡೆ ಸುರುಟು 8ರ್ದು ಅಂಚೆ ಮತಕುಲೆನ ಲೆಕ್ಕ, 8.30ರ್ದ್ ಇವಿಎಂ ಓಟುದ ಲೆಕ್ಕ ಸುರು ಆಪುಂಡು. ಎಣಿಕೆ ಕೇಂದ್ರದ ಪರಿಧಿಡ್100 ಮೀ. ಅಂತರದ ಉಲಯಿ ಒವ್ವೇ ಗಾಡಿಲೆಗ್ ಪ್ರವೇಶ ಉಪ್ಪುಜಿ.

ಅಂಚೆನೆ ಒಡಿಪು ಚಿಕ್ಕಮಗಳೂರು ಕ್ಷೇತ್ರದ ಓಟುದ ಲೆಕ್ಕ ಬ್ರಹ್ಮಗಿರಿ ಸೈಂಟ್ ಸಿಸಿಲಿ ವಿದ್ಯಾ ಸಂಸ್ಥೆಡ್ ಕಾಂಡೆ 8ಗು ಸುರು ಆಪುಂಡು.