Last updated on July 14th, 2024 at 02:39 pm
ಪೆನ್ಸಿಲ್ವೇನಿಯಾ: ಅಮೆರಿಕದ ಮಾಜಿ ಅಧ್ಯಕ್ಷೆ ಡೊನಾಲ್ಡ್ ಟ್ರಂಪ್‌ರೆನ ರ್‍ಯಾಲಿಡ್ ಗುಂಡುದ ದಾಳಿ ನಡತಿತ್ತ್‌ದ್, ಟ್ರಂಪ್ ಈ ನಡಕೆಡ್ ಕಾಲಿ ಎಲ್ಯ ಗಡಿ ಆದ್ ಬಚಾವಾತೆರ್. ಸನಿಯಾರ ರಾತ್ರೆ ಪೆನ್ಸಿಲ್ವೇನಿಯಾದ ಬಟ್ಲರ್‌ಡ್ ಈ ನಡಕೆ ನಡತ್‌ದ್ಂಡ್.
ಗಡಿಯಾತಿನ ಟ್ರಂಪ್ ಇತ್ತೆ ಸುರಕ್ಷಿತವಾದುಲ್ಲೆರ್ ಪಂದ್ ಸೀಕ್ರೆಟ್ ಸರ್ವೀಸ್ ಪನ್ತ್ಂಡ್. ಆರೆನ ಮೋನೆಡ್ ನೆತ್ತೆರ್ ತೋಜಿನೆಟ್ಟಿಗೇ, ಆರೆನ ರ್‍ಯಾಲಿದ ಮಿತ್ತರ್ಮೆರ್ದ್ ಲೆತೊಂದು ಪೋತೆರ್.
ಸೀಕ್ರೆಟ್ ಸರ್ವಿಸ್ ಏಜೆಂಟ್‌ನಕುಲು ರಪ್ಪ ಒಟ್ಟುಕೂಡ್ದ್ ಟ್ರಂಪ್‌ನ ಸುತ್ತ ಉಂತಿಯೆರ್. ಬೊಕ್ಕ ಸುಮಾರ್ ಒಂಜಿ ನಿಮಿಷ ಕರಿದ್ ಅಲ್ತ್‌ರ್ದ್ ಲೆತೊಂದು ಪೋತೆರ್.
ಈ ನಡಕೆ ರಿಪಬ್ಲಿಕನ್ ಬೊಕ್ಕ ಡೆಮೋಕ್ರಾಟ್‌‌ಲೆರ್ದ್ ಬಾರೀ ಖಂಡನೆ ಉಂಡು ಮಲ್ದ್ಂಡ್. ಯುಎಸ್ ಅಧ್ಯಕ್ಷೆ ಜೋ ಬಿಡೆನ್, “ಅಮೆರಿಕಡ್ ಇಂಚಿನ ಹಿಂಸಾಚಾರೊಗು ಜಾಗೆ ಇಜ್ಜಿ. ಉಂದೆನ್ ಖಂಡಿಪೆರ ನಮ ಒಂದು ರಾಷ್ಟ್ರವಾದ್ ಒಟ್ಟಾವೊಡು.” ಪಂದ್ ಪಂತೆರ್.
ನವೆಂಬರ್ 5ತಿನಿ ಅಮೆರಿಕಡ್ ಅಧ್ಯಕ್ಷೀಯ ಚುನಾವಣೆ ನಡಪೆರಗೂಂಡು. ಜೋ ಬಿಡೆನ್ ವಿರುದ್ದ ಡೊನಾಲ್ಡ್ ಟ್ರಂಪ್ ಸ್ಪರ್ಧೆ ಮಲ್ತೊಂದುಲ್ಲೆರ್.
