ಕೋಟ : ಹೃದಯಾಘಾತೊಡು ತೀರ್ ಪೋಯಿನ ಡಾ। ಸತೀಶ್ ಪೂಜಾರಿ

Last updated on July 11th, 2024 at 08:04 pm

ಕುಂದಾಪುರದ ಶ್ರೀಮಾತಾ ಆಸ್ಪತ್ರೆದ ಮ್ಯಾನೇಜಿಂಗ್ ಪಾರ್ಟ್‌ನರ್, ಇಎನ್‌ಟಿ ಸ್ಪೆಷಲಿಸ್ಟ್ ಡಾ।ಸತೀಶ್ ಪೂಜಾರಿ(52) ಮೇರ್ ಜುಲೈ 11ತ್ತಾನಿ ಹೃದಯಾಘಾತೊಡು ಕೋಟ ಮಾನೂರುದ ತನ್ನ ಇಲ್ಲಡ್ ತೀರ್ ಪೋಯೆರ್. ಮೆರೆಗ್ ಬೊಡೆದಿ ಅಂಚೆನೆ ಒರಿ ಮಗೆ ಉಲ್ಲೆ.

ಡಾ।ಸತೀಶ್ ಪೂಜಾರಿ ಮೇರ್ ಡಾಕ್ಟರ್ ಮಾತ್ರ ಅತ್ತಂದೆ ಪುಗಾರ್ತೆದ ಪದ ಪನ್ಪಿನಾರ್ಲಾ ಆದಿತ್ತೆರ್. ಸುಮಾರ್ ಆಲ್ಬಂಲೆಡ್ ಅಂಚೆನೆ ಭಕ್ತಿಗೀತೆಲೆನ್ ಪನ್ತೆರ್. ಎಸ್.ಜಾನಕಿ ಮೆರೆನ ಮಲ್ಲ ಅಭಿಮಾನಿ ಆಯಿನ ಮೇರ್ ಪ್ರತೀ ವರ್ಸ ಕೋಟೇಶ್ವರಡ್ ಎಸ್.ಜಾನಕಿ ರಾಷ್ಟ್ರೀಯ ಪುರಸ್ಕಾರ ಲೇಸ್ ಮಲ್ತ್ ದೇಶದ ಮಲ್ಲ ಮಲ್ಲ ಕಲಾವಿದೆರೆಗ್ ಪುರಸ್ಕಾರ ಕೊರ್ತೆರ್. ಮನಸ್ಮಿತ ಫೌಂಡೇಶನ್ ಮಲ್ತ್ ಸುಮಾರ್ ಸಾಮಾಜಿಕ ಕಜ್ಜೊಲೆನ್ ಮಲ್ದೆರ್.