Last updated on July 26th, 2024 at 07:30 pm
ಕುಡ್ಲ: ಗಂಗಸರದ ಅಮಲ್‌ಡ್ ಒರಿ ಮೋರಿಗ್ ಬೂರ್ದಿನ ನಡಕೆ ಪಂಪ್‌ವೆಲ್ ದಲ್ಪ ಇನಿ(ಜು.26) ಕಾಂಡೆ ನಡತ್‌ದ್ಂಡ್.
ಪುಲ್ ಟೈಟ್ ಆದಿತ್ತಿನ ‘ಮದ್ಯಪಾನ ಪ್ರಿಯೆ’ ಆಜೆರ್ದ್ ಏಲ್ ಫೀಟ್ ಗಂತ್‌ದ ಮೋರಿಗ್ ಬೂರ್ದೆರ್. ಬರ್ಸೊರ್ದಾವರ ಮೋರಿ ಉರ್ಕುದ್ ಪರತೊಂದಿತ್ತ್ಂಡ್. ಅಪಗನೇ ಅಲ್ಪ ಇತ್ತಿನ ಟ್ರೋಫಿಕ್ ಪೊಲೀಸ್ ಇರ್ವೆರ್ ಆ ಜನನ್ ಮಿತ್ತ್ ಒಯ್ತ್‌ದೆರ್.
ಜೆಪ್ಪಿನಮೊಗರು ಟ್ರಾಫಿಕ್ ಸ್ಟೇಶನ್‌ದ ಹೆಡ್ ಕಾನ್‌ಸ್ಟೇಬಲ್ ತಿಪ್ಪೇಸ್ವಾಮಿ ಬೊಕ್ಕ ಸಿಬ್ಬಂದಿ ವಿಲ್ಸನ್ ಫೆರ್ನಾಂಡಿಸ್ ಮೋರಿಗ್ ಜತ್ತ್‌ದ್ ಬಾರಿ ಬಂಙ ಬತ್ತ್‌ದ್ ಆ ಜನನ್ ಬದ್‌ಕಾದೆರ್. ಈ ಪೊರ್ತುಡು ಪೊಲೀಸೆರೆಗ್ ಸಾರ್ವಜನಿಕೆರ್ ತಾಂಗ್ ಕೊರ್ಯೆರ್.