ಒಡಿಪು : ಒಂಜೇ ಇಲ್ಲದ ರಡ್ಡ್ ಜೋಕುಲೆನ ಅಂತ್ಯಸಂಸ್ಕಾರ, ಅಕಲೆನ್ ಒರಿಪಾವರೆ ಪೋಯಿನ ಅಪ್ಪೆ ಆಸ್ಪತ್ರೆಗ್

Last updated on July 1st, 2024 at 12:14 pm

ವಂಡ್ಸೆ : ಬೆಳ್ಳಾಲ ಗ್ರಾಮೊಡು ಕೆದುಕು ಬೂರ್ದು ತೀರಿನ ನಂದ್ರೋಳಿದ ಕುಕ್ಕಡಬೈಲ್ ಪೊಸಲ್ಲದ ರಡ್ಡ್ ಜೋಕ್ಲೆನ ಮರಣೋತ್ತರ ಪರೀಕ್ಷೆ ಆದ್ ಅಕಲೆನ ಮೃತದೇಹೊನು ಇಲ್ಲದಕಲೆಗ್ ಕೊರಿಯೆರ್.

ಜೋಕುಲೆನ್ ಒರಿಪಾವರೆ ಪೋದು ನೀರ್ ಲಾಗಿದಿತ್ತಿನ ಅಪ್ಪೆನ್ ಅಲ್ಪದಕುಲು ಕಾಪಾಡ್ದ್ ಆಸ್ಪತ್ರೆಗ್ ಕೊನೊದಿತ್ತೆರ್. ಇತ್ತೆ ಬೈದ್ಯೆರೆನ ಅನುಮತಿದ ಮಿತ್ತ್ ಜೂನ್ 30ಗು ಬೆಳ್ಳಾಲೊಗು ಲೆತೊಂದು ಬೈದೆರ್.

ಬಿಇಒ ನಾಗೇಶ ನಾಯಕ್‌, ಶಾಲೆಗ ಶಿಕ್ಷಕೆಪ್, ಕೊಲ್ಲೂರು ಠಾಣೆಗ ಎಸ್‌ಐ ಜಯಶ್ರೀ, ಸ್ಥಳೀಯ ಮುಖಂಡೆರ್, ವಿವಿಧ ಸಂಘಟನೆಲೆನ ಪದಾಧಿಕಾರಿಲು ಇತ್ತ್  ಜೋಕುಲೆನ ಅಂತ್ಯಸಂಸ್ಕಾರ ಐತಾರ ನಡತ್ಂಡ್. ಅಪ್ಪೆ ಶೀಲಾ, ಅಮ್ಮೆರ್ ಸತೀಶ ಮಡಿವಾಳ ಬೊಕ್ಕ ಕುಟುಮದಕಲೆನ ಬುಲ್ಪಟಿಗೆ ಬಾನೊ ಎತ್ತ್ಂಡ್.