Last updated on July 31st, 2024 at 12:01 pm
1923ನೇ ಇಸವಿಡ್ ನೂದು ವರ್ಸೊರ್ದು ದುಂಬು ತುಳುನಾಡೊರ ಮಾರಿಬೊಲ್ಲೊಗು ಮುರ್ಕುದಿತ್ತ್ಂಡ್, ಅಂಚೆನೆ 50 ವರ್ಸೊರ್ದು ದುಂಬು 1974ಟ್ಟ್ ಲಾ ಬಾರೀ ಬಲ್ಲ ಬೊಲ್ಲ ಬತ್ತ್ ತುಳುನಾಡ್ ಅಡಿಮೇಲ್ ಆದಿತ್ತ್ಂಡ್. ಈಯೋಡು ಬರ್ಸದ ಮೂರಿ ಎಡ್ಡೆ ಇತ್ತ್ಂಡಲಾ ಅಲ್ಪಲ್ಪ ತುಳುನಾಡ್ ಅಡಿಮೇಲ್ ಆತಿಲೆಕ್ಕ ಉಂಡು.
ಕೋಡೆ ಬತ್ತಿನ ಬರ್ಸೊದ ಪೆಟ್ಟ್ ಗ್ ಇನಿ ಶಾಲೆ ಕಾಲೇಜಿಲೆಗ್ ರಜೆ ಕೊರ್ತೆರ್. ತುಳುನಾಡ್ ದ ತುದೆಕುಲು ಪೂರಾ ತಮೆಲ್ದ್ ಸಂಚಿಕಾರ ಮಲ್ಪುಲೆಕ್ಕ ಅರಬಟ ಕೊರೊಂದುಲ್ಲ. ಏತೋ ತಾದಿ, ತಗ್ಗ್ ಬೈಲುಲು ಮುರ್ಕುದ, ಅಲ್ಪಲ್ಪ ಗುಡ್ಡೆ ಜರಿದ್ಂಡ್. ಬಂಟ್ವಾಳ ತಾಲೂಕುದ ತುದೆ ಬೆತ್ತಡಿದ ಸುಮಾರ್ ಇಲ್ಲುಲು ಮುರ್ಕುದ. ತುಳುನಾಡ್ದ ಮೂಜಿ ಜಿಲ್ಲೆಲಾಯಿನ ಒಡಿಪು ಕುಡ್ಲ ಕಾಸ್ರೋಡುಡು ಬರ್ಸದ ಪೆಟ್ಟ್ ಬಯಂಕರ ಆವೊಂದುಂಡು.